LAMPA-LAMPANA 4:12 - KITTA' MATANGKASA'

¹² Lalang bawang ri Isa nakkulle nipasalama' rupataua. Nasaba' ri sikontu anne linoa, tenanniakka se're tau le'ba' nisare koasa ri Allata'ala untu' ampasalamakki', pantaranganna Isa Almasi.”

LAMPA-LAMPANA 4:12 Referans Kwoze

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

1 KORINTUS 3:11

Nasaba' le'ba'mi Napattantu Allata'ala angkanaya tena ruanna Isa Almasi akkulle a'jari sanrapang pondasina anjo bangunanga.

YOHANES 3:36

Inai-nai ampatappaki anjo Anaka, iami langgappai katallassang satunggu-tunggua. Mingka inai-nai tamannurukia ri anjo Anaka, talanagappayai katallassanga. Iami lanihukkung ri Allata'ala sa'genna satunggu-tungguna.

LUKAS 24:47

Kammayatompa, lalang arenNa anjo Karaeng Mappasalamaka, musti nibirittakangi mae ri sikontu bansaya angkanaya musti tobaki sikontu rupataua, kammayatompa Napammopporangi Allata'ala dosa-dosaya. Na anjo birittaya, musti nipabattui appakkaramula battu ri Yerusalem.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

IBRANI 2:3

La'biangampa pole anjo kasalamakkang hebakkanganga na anjo sikamma pappasanga. Punna tena nanijampangi anjo kasalamakkanga, mattantu takkulleaki' lata'lappasa' battu ri hukkunganga. Nasaba' KalenNa Batara uru-uru ampa'la'bangi anjo kasalamakkanga; na sikamma tau uru-uru allangngerekai le'ba'mi napa'butti katojenganna mae ri katte.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

PAMMUJI 45:17

Ikau, karaengku, langgappako jai ana' bura'ne untu' angngempoi empoang kala'biranna boe-boeta. Nupa'jari ke'nanga tau koasa mae ri sikontu linoa.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

AYUB 41:11

Inai akkulle ambakkai natalokoka? Tena tau ri linoa anne akkulle anggaukangi.

LAMPA-LAMPANA 2:5

Anjo wattua jai tu Yahudi ammantang ri Yerusalem, battua ri a'rupa-rupa pa'rasangang ri sikontu linoa. Sangnging tau malla' ngaseng ke'nanga ri Allata'ala.

PA'JARIANG 7:19

Pila' katambangi pole tinggina anjo je'neka, sa'genna tallang ngasemmo sikamma moncong Kaminang Tinggia.

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;