LAMPA-LAMPANA 4:10 - KITTA' MATANGKASA'

¹⁰ Jari, ikatte ngaseng, kammayatompa sikontu bansa Israel, musti kiasseng ngasengi angkanaya lanri kagassinganNa siagang kakoasanNa Isa Almasi anjo battua ri Nazaret, nakkullemo nia' ammenteng ri dallekannu ngaseng anne taua. Kamma-kamma anne gassimmi siagang salewangammi tubuna anne tau le'baka peso', lanri anjo Isa Almasi. Ikatte ngasemmi le'ba' ansalliki anjo Isa Almasi. Mingka nipattallasa' poleammi ammotere' ri Allata'ala.

LAMPA-LAMPANA 4:10 Referans Kwoze

LAMPA-LAMPANA 3:6

Mingka nakanamo Petrus ri anjo tau pesoka, “Tena sikali doekku. Mingka apa niaka ri nakke, iaminjo lakusareangko: Lanri koasaNa Isa Almasi, battua ri Nazaret, kukana ri kau a'jappa mako!”

LAMPA-LAMPANA 2:36

Iaminjo saba'na namusti naasseng tojeng-tojeng sikontu bansa Israel angkanaya anjo Isa, le'baka nusalli', Iatommi anjo Isa le'baka Naangka' Allata'ala a'jari Batara siagang Karaeng Tumappasalamaka!”

LAMPA-LAMPANA 28:28

Kala'busanna, nakanamo Paulus, “Musti nuasseng ngasengi sari'battang, angkanaya nipabattumi anne kabara' kasalamakkang battua ri Allata'ala mae ri bansa-bansa maraenga. Nalanapinawammo ke'nanga anne kabaraka!” [

DANIEL 3:18

Mingka manna pole ebara' angkana tena Nagaukangi, parallui kiasseng angkanaya ikambe tena nalanynyomba mae ri rewatana karaengku, siagang tena todong nalanynyomba mae ri anjo patung bulaeng kipaentenga karaeng.”

ROMA 1:4

mingka lalang kakaraenganna, ma'nassa Iami Ana'Na Allata'ala. A'buttimi anjo lalang ri koasa malompoNa, iamintu lalang ri attallasa'Na ammotere' battu ri kamateanga.

MATIUS 2:23

Anjoremmi ammantang ke'nanga, ri se'reang kota nikanaya Nazaret. Lanri kammana, a'rupami apa le'baka napau na'bi-na'bia ri passala'na anjo Anaka angkanaya, “Lanigallaraki Tu Nazaret.”

LAMPA-LAMPANA 2:32

Iaminne Isa nipattallasa' poleanga ri Allata'ala battu ri kamateanga. Ikambe minne le'ba' anciniki anjo apa kajarianga.

LUKAS 18:37

Nakanamo ke'nanga ri anjo tau butaya, “Isa, anjo tu Nazaretka, niaki numalo.”