LAMPA-LAMPANA 4:1 - KITTA' MATANGKASA'

¹ Lalang a'bicarana ija Petrus siagang Yohanes mae ri anjo taua ngaseng, battumi imang-imang kapalaya, komandang pajagaya ri Balla'Na Batara, kammayatompa tu Sadukia mae ri ke'nanga.

LAMPA-LAMPANA 4:1 Referans Kwoze

LUKAS 22:4

Jari a'lampami Yudas mange sipa'bicara siagang imang-imang kapalaya kammayatompa sikamma kapala pangawalaka ri Balla'Na Batara. Nabicarami ke'nanga angkanaya antekamma batena Yudas ampassareangi Isa mae ri ke'nanga.

LAMPA-LAMPANA 6:12

Kammaminjo batena ke'nanga angkompa-kompa salai sa'genna nassu tau jaia, pamimping-pamimpinna tu Yahudia, kammayatompa guru-guru agamaya. Mangemi ke'nanga anjakkalaki Stefanus, nampa naerang mange andallekang ri pangadelang agamaya.

LAMPA-LAMPANA 5:26

Jari a'lampami perwira pangawala'na Balla'Na Batara siagang pangawalaka ngaseng, mange angngallei ammotere' anjo sikamma tunisuroNa Allata'ala. Mingka tena nanaerang passai ke'nanga, lanri mallaki ke'nanga ri tau jaia; gassingka nisambilai sallang batu ke'nanga ri anjo tau jaia.

LAMPA-LAMPANA 5:24

Ri wattunna nalangngere' perwira pangawalaka ri Balla'Na Batara siagang imang-imang kapalaya anjo laporanga, lingumi ke'nanga annawa-nawai passala'na anjo tunisuroNa Allata'ala. Siagang malla'mi ke'nanga ampikkiriki angkana apa are kutadeng lakajariang.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

LAMPA-LAMPANA 4:6

Assibuntulu' ngasemmi ke'nanga siagang Imang Malompoa iamintu Hanas, siagang Kayafas, Yohanes, Aleksander, kammayatompa sikontu bija ma'reppese'na anjo imang lompoa.

YOHANES 18:3

Jari battumi Yudas mange anjoreng, angngerang se're pasukang tantara Roma siagang siapa are pangawala'na Balla'Na Batara. Iaminne ke'nanga nisuroa ri imang-imang kapalaya siagang tu Farisia. Angngerangi ke'nanga sanjata, lampu, siagang sulo.

YOHANES 15:20

U'rangi apa le'baka Kupau mae ri kau, angkanaya, ‘Tena nalompoangang se'rea ata na karaenna.’ Punna iNakke nasessaMa' ke'nanga, lanasessa ngaseng tommako ke'nanga. Punna naturuki ke'nanga ajarangKu, lanaturuki tongi ke'nanga ajarannu.

MATIUS 27:41

Kamma tomminjo nagaukang imang-imang kapalaya siagang guru-guru agamaya, kammayatompa pamimping-pamimpinna tu Yahudia. Nacau-cau tommi Isa angkana,

MATIUS 27:20

Mingka imang-imang kapalaya siagang pamimping-pamimpinna tu Yahudia, tuli naajara' salai tau jaia sollanna napala' ri Pilatus, na Barabas nilappassang, nampa Isa nihukkung mate.

MATIUS 22:16

Nasuromi ana'-ana' gurunna ke'nanga mange ri Isa. A'rurummi ke'nanga siagang ana'-ana'na Herodes. Battui mange ri Isa, angkanami ke'nanga, “O Guru, niassemmi angkanaya iKatte tau lambusukKi'. Apa ero'Na Allata'ala Kipangngajarrammi silambusu'na ri sikamma taua. Manna pole inai tena Kijampangi antekamma panggappana. Nasaba' iKatte tena Kimmile-mile tau.

MATIUS 16:12

Kale'bakkanna napahammi ana'-ana' gurunNa Isa angkanaya nisuroi ri Isa sollanna tutu ke'nanga ri pangngajarang salana tu Farisia siagang tu Sadukia. Jari teai passala' nikellaina ke'nanga tutu ammake pa'gambang punna appare' roti.

LAMPA-LAMPANA 6:7

Kammaminjo, napila' a'la'bammo kabara' battua ri Allata'ala, siagang pila' katambammi jaina tau tappaka ri Isa anjoreng ri Yerusalem. Na jai tommo imang-imang a'jari tappa' ri Isa.

LUKAS 20:1

Ri se'reang allo, sitabangi angngajara' Isa, siagang Napabattui Kabara' Baji' battua ri Allata'ala, mae ri tau niaka lalang ri Balla'Na Batara. Battu tommi imang-imang kapalaya, guru-guru agamaya, kammayatompa pamimping-pamimpinna tu Yahudia.

LAMPA-LAMPANA 5:17

Kale'bakkanna angngallemi tindakang imang lompoa siagang taunna ngaseng, iamintu golongang tu Sadukia, lanri assereatina ke'nanga.