LAMPA-LAMPANA 3:8 - KITTA' MATANGKASA'

⁸ A'lumpa'mi nai' nammenteng, siagang a'jappa anrai'-kalau'. Nampa antama' ri Balla'Na Batara siagang Petrus na Yohanes, a'lumpa'-lumpaka tojeng na mammuji-muji ri Allata'ala.

LAMPA-LAMPANA 3:8 Referans Kwoze

LAMPA-LAMPANA 14:10

nampa nalompoi sa'ranna nakana, “Ammentengko nai'!” A'lumpa'mi ammenteng nai' anjo taua, nampa a'jappa.

YESAYA 35:6

Tau pesoka la'lumpa'-lumpaki rapang jonga, tau pepea lakkio' rannui. Saba' timbuseng je'neka tassolommi ri parang luaraka, a'lo'loro'mi binangaya ri parang lompoa,

LUKAS 6:23

Kamanna na'bi-na'bia ri jammang riolo nigau' kamma ngaseng tongi. Punna kajariang anjo ri kalennu, pakasannangi atinnu siagang a'rannu-rannuko; nasaba' sanna' lompona pahala lanugappaya ri suruga.

YOHANES 5:14

Ribokoanganna, sibuntulu'mi Isa siagang anjo taua lalang ri Balla'Na Batara. Nakanamo Isa ri ia, “Kamma-kamma anne baji' mako. Tea' mako a'gau' dosai pole, sollanna tena nanukasiaki pole la'bi kodianganga.”

LUKAS 18:43

Anjo wattua, akkulle memammi accini' silalonna. Nampa amminawang ri Isa, siagang appala' sukkuru'mi ri Allata'ala. Nacini'na tau jaia anjo apa kajarianga, ammuji-muji ngasemmi ke'nanga ri Allata'ala.

LAMPA-LAMPANA 3:7

Nampa nata'gala' Petrus lima kananna anjo tau pesoka, na nabantu ammenteng. Ajari kassa' memammi silalonna bangkenna anjo tau pesoka.

LAMPA-LAMPANA 19:16

Nampa a'lumpa'mi anjo tau nasosoka setang siagang sanna'mi larrona ambakkai ke'nanga nanakokko'. Sa'genna lari ngasemmi ke'nanga ambokoi anjo ballaka. A'bokka'-bokka'mi kalenna, siagang assolara'mi, lanri nikekke'-kekkekangi care-carena battu ri kalenna ke'nanga.