LAMPA-LAMPANA 3:2 - KITTA' MATANGKASA'

² Anjoreng ri pakke'bu' lompoa, niarenga “Pakke'bu' Ga'gaya”, nia' sitau bura'ne peso'. Peso' memammi baku' nilassukanna. Allo-allona nierang anjo taua mange anjoreng untu' appala'-pala' ri tau eroka antama' ri Balla'Na Batara.

LAMPA-LAMPANA 3:2 Referans Kwoze

LAMPA-LAMPANA 14:8

Ri Listra, nia' sitau bura'ne peso'. Peso' memammi ri pakaramula nilassukanna, sa'genna takkullea a'jappa lanri sanna' lammana bangkenna.

YOHANES 9:8

Sikamma sambori'na, siagang sikamma tau le'baka anciniki appala'-pala' anjo taua, angkana ngasemmi, “Sai ia anne tau biasaya ammempo appala'-pala'?”

LUKAS 16:20

Na ri dallekang pakke'bu' balla'na nia' se're tau kasi-asi dudu niarenga Lazarus. Rassi ngaseng kalenna puru-puru.

LAMPA-LAMPANA 10:31

Nakana ri nakke, ‘Kornelius! Natarimami Allata'ala pappala' doannu, siagang Nau'rangimi pa'mai' baji'nu.

LUKAS 18:35

Ri wattunna a'birimmo anrapi' Isa battu mange ri Yerikho, nia'mo se're tau buta ammempo ri birinna aganga appala'-pala'.

LAMPA-LAMPANA 10:4

Najanjammi Kornelius anjo malaekaka, nateai sipato' malla'na. Nakanamo, “Apa kutadeng Karaeng?” Appialimi anjo malaekaka nakana, “Nitarimami ri Allata'ala sikamma pappala' doannu siagang pa'mai' baji'nu, kammayatompa Nau'rangiko Allata'ala.

LAMPA-LAMPANA 4:22

Anjo tau peso' le'baka niballei lalang anjo gau' appakalannasaka, la'bimi patampulo taung umuru'na.

LAMPA-LAMPANA 3:10

Na naassennamo tau jaia angkanaya iaminjo papala'-pala' biasaya ammempo ri “Pakke'bu' Ga'gaya” ri Balla'Na Batara. Lannasa' sikalimi siagang takkajanna'mi ke'nanga anciniki anjo apa kajarianga ri kalenna anjo taua.