LAMPA-LAMPANA 27:3 - KITTA' MATANGKASA'

³ Ammukona, battu maki' mange ri Sidon. Anjo Paulus nikatutui bajiki ri Yulius. Nisarei kasampatang Paulus mange angkunjungi agang-aganna sollanna akkulle nisare ri ke'nanga apa-apa naparalluanga Paulus.

LAMPA-LAMPANA 27:3 Referans Kwoze

LAMPA-LAMPANA 24:23

Le'baki anjo nasuromi anjo perwiraya angngerangi Paulus, sollanna nitahang ija. Mingka nisarei sike'de' kalonggangang Paulus, siagang tena nipisangkai punna nia' agang-aganna battu ampangngerangangi apa-apa naparalluanga.

LAMPA-LAMPANA 28:16

Ri wattunna battu mange ri Roma nipa'biammi Paulus ammantang akkale-kale siagang nijagai ri sitau tantara.

LAMPA-LAMPANA 27:43

Mingka nipisangkai ke'nanga ri perwiraya, lanri ero'na napasalama' Paulus. Nasuro ngasemmi tau akkullea a'lange a'lumpa' rolong naung nampa a'lange mange ri birinna bontoa;

LAMPA-LAMPANA 27:1

Le'ba'mi nitappuki angkanaya musti a'lampa maki' mange ri Italia. Jari nipassareammi Paulus siagang siapa are tahanang maraenga mae ri Yulius, iamintu perwira tantara Roma nigallaraka “Pasukanna Karaenga”.

LAMPA-LAMPANA 12:20

Sanna' larrona Herodes ri tu Tiruska siagang tu Sidonga. Lanri kammana, a'lampami ke'nanga mange andallekang ri ia. Uru-uruna nanyonyo'mi rolong Blastus, iamintu kapalaya ri balla' lompona Herodes, sa'genna sipammentengang Blastus siagang ke'nanga. Le'baki anjo nirurungammi ke'nanga mange andallekang ri Herodes. Appala' damemi ke'nanga ri Herodes, nasaba' apa-apa nikanrea ri pa'rasanganna ke'nanga, sangnging apa-apa battu ri pa'rasanganna Herodes.

MATIUS 11:21

“Cilaka mako ikau ngaseng tau niaka ammantang lalang ri Korazim! Kammayatompa ikau ngaseng tau niaka ammantang lalang ri Betsaida, cilaka ngaseng tommako! Ebara' angkana le'ba' tommi nigaukang anjo gau'-gau' appakalannasaka ri tangnga-tangnganu ri Tirus siagang Sidon, ma'nassa sallomi le'ba'na toba' siagang nasassala' kalenna tau niaka anjoreng.

ZAKHARIA 9:2

Hamat a'baeng-baenga siagang Hadrakh Ia todong ampatangi, kammayatompa kota-kota Tirus siagang Sidon siagang sikontu kacara'dekanna pandudu'na.

YESAYA 23:12

Nakana Batara, “He, kota Sidon! Tenamo nulassannang-sannang pole. Nijallakkammi pandudu'nu. Manna pole nalari ke'nanga mange annompang ri Siprus, tena todong nalaamang ke'nanga.” (

PA'JARIANG 49:13

Zebulon lammantang ri ampi' tamparang; lalabui sikamma kappalaka ri biring tamparanna; sa'genna Sidon pa'baeng-baeng daerana.

PA'JARIANG 10:15

Sikamma ana'na Kanaan, iamintu Sidon ana' toana siagang Het.

YOSUA 19:28

Ebron, Rehob, Hamon, siagang Kana, sa'genna mange ri Sidon bellana.