LAMPA-LAMPANA 26:10 - KITTA' MATANGKASA'

¹⁰ Na memang iaminjo le'baka kugaukang ri Yerusalem. Lanri sura' koasa battu ri imang-imang kapalaya, jai sikalimi tau jarre' tappa'na ri Allata'ala le'ba' kupantama' ri tarungkua. Ba'lalo, kusitujui tongi sollanna nihukkung mate ke'nanga.

LAMPA-LAMPANA 26:10 Referans Kwoze

LAMPA-LAMPANA 8:3

Mingka tuli usahaji pole Saulus ansessai jama'aka. A'lampai ri tasse're-se'reang balla', nanare'resang ngaseng assulu' tau tappaka. Nampa napantama' ke'nanga ri tarungkua.

LAMPA-LAMPANA 9:21

Lannasa' ngasemmi taua allangngereki Saulus angngajara'. Nakanamo ke'nanga, “Sai iaminne tau le'baka ambunoi sikamma tau tappaka ri Isa, ri Yerusalem? Sitojenna battui mae anrinni ero' anjakkalaki tau tappaka, nampa naerang mange ri imang-imang kapalaya!”

1 KORINTUS 15:9

Inakkemi suro kaminang tunaNa Batara. Tena nakusiratang nigallara' tunisuro, nasaba' le'baki kusessa jama'aNa Allata'ala.

LAMPA-LAMPANA 9:26

A'lampami Saulus mange ri Yerusalem. Ero'mi mange a'rappungang siagang tau tappaka ri Isa. Mingka malla'mi ke'nanga ri ia, lanri tenapa natappa' ke'nanga angkana tappa' tojemmi Saulus ri Isa.

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

LAMPA-LAMPANA 7:58

Nare'resammi ke'nanga Stefanus assulu' battu ri kotaya nampa namanang-manangngi nasambila batu. Naboli'mi pakeanna anjo tau ancinikai anjo apa kajarianga mae ri se'rea tu rungka niarenga Saulus.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

EFESUS 1:1

Natarimai umma'Na Allata'ala ri Efesus, majarreka tappa'na mae ri Isa Almasi.

GALATIA 1:13

Tantu le'ba'mi nulangngere' katallassangku pirangalloang salaku tu tappa' ri agama Yahudia. Nuassengi antekamma sekke'na panggaukangku mae ri jama'aNa Allata'ala. Siagang antekamma terasa'na usahaku ero' angngancuruki ke'nanga.

LAMPA-LAMPANA 9:41

Nampa nata'gala' Petrus limanna nanatulung ammenteng. Le'baki anjo nakio'mi Petrus sikamma tau tappa' niaka anjoreng siagang sikamma anjo janda-jandaya, nampa napassareang Dorkas le'bakamo attallasa' poleang, mae ri ke'nanga.

LAMPA-LAMPANA 9:32

A'lampami Petrus mange-mange, angkunjungi jamaah-jama'aka. Ri se'reang allo a'lampami angkunjungi umma'Na Batara niaka ri Lida.

PAMMUJI 16:3

Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.