LAMPA-LAMPANA 26:1 - KITTA' MATANGKASA'

¹ Nakanamo Agripa mae ri Paulus, “Kamma-kamma anne nisareko kasampatang a'bicara, untu' ampakasingaraki kalennu punna tena nusala.” Jari naangka'mi limanna Paulus nampa a'bicara kamma anne.

LAMPA-LAMPANA 26:1 Referans Kwoze

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

LAMPA-LAMPANA 26:2

“Tunipakala'birika Karaeng Agripa! Kubilang upa' sikali kusa'ring kalengku, lanri akkulleku a'bicara ri dallekang mala'biritta ri passala' sikammaya anjo apa-apa napappituduanga tu Yahudia mae ri nakke;

YOHANES 7:51

“Manuru' undang-undanga, takkulleai nihukkung se'rea tau punna tenapa nilangngereki kara-karana siagang punna tenapa nale'ba' niparessa panggaukanna.”

PANGNGEBARANG 1:24

Le'ba' mako kukio' ngaseng, mingka taerokako siagang tena ngaseng nujampangi.

ROMA 10:21

Mingka ri sesena bansa Israelka, nakana Na'bi Yesaya, “Kammaminne kananNa Allata'ala, ‘Sikabusu'na alloa Kupajonjo limangKu mae ri se'rea bansa kapala batua siagang tamaeroka mannuruki.’ ”

LAMPA-LAMPANA 25:16

Mingka appialima' ri ke'nanga angkanaya tabiasayai tu Romaya ampassareang bawang-bawangi nihukkung se'rea tu nitudu, punna tenapa nanipasidallekangi siagang balinna, kammayatompa punna tenapa nisarei wattu anjo tu nitudua a'bicara ampakasingaraki kalenna.

LAMPA-LAMPANA 22:1

“Ikatte ngaseng bapa'-bapaka, siagang sari'battanga ngaseng! Eroki kupakasingara' kalengku mae ri katte ngaseng. Jari pilangngerimi anne kanangku!”

PANGNGEBARANG 18:17

Tau uru a'bicaraya lalang ri pangadelang tuli tojengi cinikanna, mingka akkullemi niuji kana-kananna punna battumo balinna.

PANGNGEBARANG 18:13

Appiali ri tenanapa nimallangngere' Iami panggaukang tolo siagang nicalla.

YEHEZKIEL 16:27

Kamma-kamma anne angngalleA' tindakang untu' anghukkungko siagang angngallei barakka' le'baka Kupassareang mae ri kau. Kupassareangko mae ri tu Filistin ammusuako siagang a'ringi'-ringika ancinikko anggaukangi anjo panggaukang ra'masa'nu.

PAMMUJI 119:46

Lakukabarrangi paratoranTa mae ri sikamma karaenga, na tena kulanipakasiri'.

LAMPA-LAMPANA 25:27

Nasaba' situru' ri pakkasiakku, tena nasiratang nikiring se'rea tahanang punna tena nanipa'nassai angkanaya apa-apa kasalanna nanituntuki.”