LAMPA-LAMPANA 24:3 - KITTA' MATANGKASA'

³ Nayangasenna anne tuli nitarima ngasemmi siagang kasukkurang kammayatompa pappakalompo sitinggi-tinggina ri kere-keremae.

LAMPA-LAMPANA 24:3 Referans Kwoze

LAMPA-LAMPANA 26:25

Mingka appialimi Paulus nakana, “Tena nakupongoro', karaeng. Anjo bicara kupaua sangnging bicara annaba, siagang sangnging battu ri pikkirang baji'.

LAMPA-LAMPANA 23:26

“Natarimai Karaeng Tunipakala'birika, Guburnur Feliks. Salama' battu ri Klaudius Lisias!

LUKAS 1:3

Le'ba' ngasemmi kupilajari baji'-baji' battu ri pakkaramulanna sikamma anjo apa le'baka kajariang. Jari kupikkiriki angkanaya, bajiki punna kupannulisangki' se're laporang nisusung bajika ri passala'na sikamma anjo apa-apa le'baka kajariang.

LAMPA-LAMPANA 23:24

Appasadia tongko jarang lanadongkokia Paulus, nampa nuerang siagang salama' mae ri Guburnur Feliks.”

LAMPA-LAMPANA 23:33

Ri wattunna battu anjo tantara padongko' jaranga mange ri Kaisarea, napabattumi ke'nanga anjo suraka mae ri guburnurka, nampa napassareang todong Paulus mae ri ia.

LAMPA-LAMPANA 24:2

Ri wattunna nikio' Tertulus mae ri dallekang, kammaminne batena antudui Paulus, nakana, “Tunipakala'birika, Guburnurka! Baku' nia'na irawang parentata, a'jari sannangi siagang salewangangi pa'rasanganna ikambe. Siagang lanri kabajikanta, jai tommi apa-apa le'ba' nipakabaji' untu' bansana ikambe.

LAMPA-LAMPANA 24:4

Mingka sollanna tena nala'bu dudu karaeng, kupalaki pa'mai' bajitta nakipilangngeri anne tuntutanna ikambe. Bodo kanana iaminne: