LAMPA-LAMPANA 24:1 - KITTA' MATANGKASA'

¹ Limang allo ribokoanganna, a'lampami Imang Lompo Ananias siagang pamimping-pamimpinna tu Yahudia mange ri Kaisarea. Angngerang tommi ke'nanga sitau pabicara niarenga Tertulus. Mangemi ke'nanga andallekang ri Guburnurka, iamintu Feliks, nampa napabattu tuntutanna ke'nanga mae ri Paulus.

LAMPA-LAMPANA 24:1 Referans Kwoze

LAMPA-LAMPANA 24:11

Kalenta akkulle ansalidiki karaeng, angkanaya sampulo anrua allonna allaloa, a'lampa' mange ri Yerusalem, ero' assambayang.

LAMPA-LAMPANA 23:2

Ri wattunna akkana kamma Paulus, nisuro tempa ka'rammi bawana Paulus ri Imang Lompo Ananias ri anjo tau ammentenga ri sa'rinna Paulus.

LAMPA-LAMPANA 25:2

Battumi mae ri ia imang-imang kapalaya siagang pamimping-pamimpinna tu Yahudia anjoreng, ampabattui tuntutanna ke'nanga mae ri Paulus. Tuli nanyonyo'mi ke'nanga Festus,

LAMPA-LAMPANA 23:35

nakanamo, “Baji'mi! Lakuparessai anne parkaranu punna battumo mae anrinni anjo tau antuduako.” Le'baki anjo nasuro tahammi Paulus lalang ri balla' lompona Herodes.

LAMPA-LAMPANA 23:30

Nampa nia'mo tau ampabattuanga' angkanaya assikongkoloki tu Yahudia ero' ambunoi anne taua. Jari iaminjo saba'na nakukiring anne taua mae ri katte. Nale'ba'mi kupauang sikamma tau antuduai anne taua, sollanna battu andallekang ri katte ampabattui tuduhanna ke'nanga.”

LAMPA-LAMPANA 23:24

Appasadia tongko jarang lanadongkokia Paulus, nampa nuerang siagang salama' mae ri Guburnur Feliks.”

LAMPA-LAMPANA 21:27

Ri wattunna lala'busu'mo anjo wattu tuju alloa, nia'mo siapa are tu Yahudi battu ri daera Asia anciniki Paulus lalang ri Balla'Na Batara. Napakabambammi ke'nanga tau jaia, nampa nata'gala' Paulus.

PAMMUJI 11:2

Saba' tu ja'dalaka napabantammi anrong panana na napataba ana' panana untu' napabuccu' battu ri tampa' sassanga mange ri tau lambusuka.

1 KORINTUS 2:4

Teai bicara sannaka baji'na nilangngere' lanri kacara'dekang ri rupataua kupake ampabattui anjo birittaya mae ri kau ngaseng. Mingka kammaminjo caraku ampabattui untu' ampa'butti angkanaya makoasai RohNa Allata'ala. Akkulle ngasemmi nucini' anjo passalaka.

1 KORINTUS 2:1

Sikamma sari'battangku! Ri wattungku battu mae ri kau, nakupabattu rancanaNa Allata'ala tenayapa naassengi anne linoa, teai kacara'dekanna anne linoa kupake, yareka teai bicara ta'liwa'-liwaka baji'na nilangngere'.

LAMPA-LAMPANA 25:15

Ri wattungku nia' ri Yerusalem, battui ri nakke imang-imang kapalaya siagang pamimping-pamimpinna tu Yahudia antuntuki siagang ansuro hukkungi anjo taua.

LAMPA-LAMPANA 12:21

Ri se'reang allo, iamintu allo le'bakamo nipattantu, napakemi pakeang kalompoanna Herodes. Nampa ammempo ri empoang kakaraenganna, nappakkaramula appidato ri dallekanna ra'yaka.

YESAYA 3:3

perwira, tunipare' tutoaya siagang tummarentana, pabale'-bale' mata siagang pacini'.

LAMPA-LAMPANA 23:33

Ri wattunna battu anjo tantara padongko' jaranga mange ri Kaisarea, napabattumi ke'nanga anjo suraka mae ri guburnurka, nampa napassareang todong Paulus mae ri ia.

LAMPA-LAMPANA 24:2

Ri wattunna nikio' Tertulus mae ri dallekang, kammaminne batena antudui Paulus, nakana, “Tunipakala'birika, Guburnurka! Baku' nia'na irawang parentata, a'jari sannangi siagang salewangangi pa'rasanganna ikambe. Siagang lanri kabajikanta, jai tommi apa-apa le'ba' nipakabaji' untu' bansana ikambe.