LAMPA-LAMPANA 2:7 - KITTA' MATANGKASA'

⁷ Lalang lannasa'na siagang takkajanna'na ke'nanga, nakanamo ke'nanga, “Sikontu anjo tau a'bicaraya sangnging tu Galilea!

LAMPA-LAMPANA 2:7 Referans Kwoze

LAMPA-LAMPANA 2:12

Lalang lannasa'na siagang takkajanna'na ke'nanga, akkuta'nang ngasemmi para ia ke'nanga angkana, “Apa ngaseng battuanna anne apa kajarianga?”

LAMPA-LAMPANA 1:11

Nakanamo anjo tau ruaya, “E, ikau ngaseng tu battua ri Galilea, angngapa nummantang bawang antureng acconga nai' ri langika? Anjo Isa, nucinika ta'angka' nai' ri suruga, labattu poleangi sallang lalang kala'biranNa, sangkamma la'biri'Na ri wattunna nucini' nai' ri suruga sumpadeng.”

YOHANES 7:52

Appialimi ke'nanga angkana, “Barang tu battu tongko ri Galilea? Paressami Kittaka! Lanuassemmi angkanaya tena na'bi labattu ri Galilea.” [

LAMPA-LAMPANA 3:10

Na naassennamo tau jaia angkanaya iaminjo papala'-pala' biasaya ammempo ri “Pakke'bu' Ga'gaya” ri Balla'Na Batara. Lannasa' sikalimi siagang takkajanna'mi ke'nanga anciniki anjo apa kajarianga ri kalenna anjo taua.

MARKUS 2:12

Ambangummi nai' anjo taua, na naalle memang tappere'na, nampa a'lampa assulu' niciniki ri tau jaia. Sanna' ngaseng lannasa'na anjo tau jaia. Ammuji-mujimi ke'nanga ri Allata'ala. Nakanamo ke'nanga, “Tena le'bakkapaki' accini' kajariang kammaya anne!”

MARKUS 1:27

Sikontu taua lannasa' sikalimi anciniki anjo passalaka. Sa'genna massing nakanamo para ia ke'nanga, “Idende' apami kutadeng anne? Iaminne pangngajarang beru! Lanri kakoasanNa siagang kala'biranNa na Nasuro roh-roh ja'dalaka assulu', siagang amminawang turu' anjo roh-roh ja'dalaka mae ri Ia!”

MATIUS 26:73

Tena nasallo le'ba'na anjo, battumi ri dallekanna Petrus tau niaka ammenteng anjoreng, na nakana ke'nanga, “Ma'nassa kalase'rennako battu ri ke'nanga. A'nassa sikali nilangngere' ri batenu a'bicara.”

MATIUS 21:11

Appialimi tau jaia niaka anrurungangi Isa angkana, “Na'bi Isa, battu ri Nazaret, ri Galilea.”

MATIUS 8:10

Nalangngere'na Isa kananna anjo perwiraya, teaimi sipato' lannasa'na. Nakanamo ri sikamma tau niaka amminawang ri Ia, “Teai sipato' anne taua. Tenanniakkapa le'ba' Kubuntulu' tau lompo kammaya anne tappa'na ri alla'na tu Israel!

LAMPA-LAMPANA 2:8

Antekamma kajarianna, sa'genna akkulle nilangngere' ke'nanga a'bicara lalang bicara battua massing ri pa'rasanganta?