LAMPA-LAMPANA 2:5 - KITTA' MATANGKASA'

⁵ Anjo wattua jai tu Yahudi ammantang ri Yerusalem, battua ri a'rupa-rupa pa'rasangang ri sikontu linoa. Sangnging tau malla' ngaseng ke'nanga ri Allata'ala.

LAMPA-LAMPANA 2:5 Referans Kwoze

LAMPA-LAMPANA 8:2

Mangemi sikamma tau mallaka ri Allata'ala antarawangi maya'na Stefanus. Nakarrukimi ke'nanga Stefanus. Sanna' ngaseng si'nana atinna ke'nanga.

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

LAMPA-LAMPANA 22:12

Anjoreng ri Damsyik nia' sitau niareng Ananias. Anjo taua sanna' baji'na. Tutui anggaukangi sikamma parentaNa Allata'ala, le'baka napassareang Musa mae ri katte. Sanna' nipakala'biri'na ri sikontu tu Yahudi niaka ammantang ri Damsyik.

LAMPA-LAMPANA 13:50

Mingka nikompa-kompa salami ri tu Yahudia sikamma tumalompoa siagang bai'-baine tumalompoa ri anjo kotaya, ia tu mallakamo ri Allata'ala. Napasimusumi ke'nanga siagang Paulus na Barnabas. Sa'genna nibongkamo Paulus siagang Barnabas battu ri anjo daeraya.

LAMPA-LAMPANA 10:7

A'lampanamo anjo malaeka' a'bicaraya mae ri Kornelius, nakio'mi Kornelius rua palayanna ri balla', siagang sitau tantara pangawala' baji'na.

LAMPA-LAMPANA 10:2

Ia tau malla' ri Allata'ala. Sikontu bone balla'na tau anynyomba ngaseng mae ri Allata'ala. Jai tu kasi-asi bansa Yahudi natulung. Tuli appala' doangi ri Allata'ala lalang tallasa'na.

LAMPA-LAMPANA 8:27

A'lampami Filipus. Anjo wattua nia' sitau pagawe balla' lompoa ri Etiopia, sitabang lalang pa'lampanna ammotere' mange ri pa'rasanganna. Anjo taua pagawe tinggi, anta'galakai sikontu pa'barang-baranganna Kandake, karaeng bainea ri Etiopia. Anjo taua battumi ri Yerusalem, untu' anynyomba ri Allata'ala. Na anjo wattua ammotere'mi siagang ratei a'dongko' ri karetana. Lalang ammempona rate ri karetana, sitabangi nabaca Kitta'na Na'bi Yesaya.

LAMPA-LAMPANA 2:1

Ri wattunna narapi'mo allo Pentakosta, a'rappungang ngasemmi sikamma tau tappaka ri se'reang tampa'.

YOHANES 12:20

Ri alla'na anjo tau jaia a'lampa mange ri Yerusalem ero' assambayang ri wattunna passua'-suarrang, nia' todong siapa are tu Yunani.

LUKAS 24:18

Angkanami kalase'renna ke'nanga, iamintu niarenga Kleopas, “Kale-kalentaji bawang tau beru battu ri Yerusalem? Takiassengai anjo apa beru kajarianga anjoreng?”

LUKAS 17:24

Antekamma batena tassioro' kilaka irate ri langika naccaya battu ri cappa' se'rea mange ri cappa' maraenganga, kammatommi anjo sallang lampa-lampana Ana' Ma'rupataua punna narapi'mo allonNa.

MATIUS 24:14

Na lanibirittakammo ri sikontu linoa Kabara' Bajika, ri passala' antekamma batena ammarenta Allata'ala, sollanna nalangngere' ngaseng taua. Le'baki anjo nampami battu allo kiamaka.”

ZAKHARIA 8:18

Napassareangi Batara Kaminang Koasaya anne pasanga mae ri nakke untu' umma'Na, angkana,

YESAYA 66:18

Kuassengi pikkiranna siagang panggaukanna ke'nanga. NiakKa' battu untu' ampa'rappungangi sikamma taua battu ri sikontu bansa-bansaya. Ri wattunna a'rappung ke'nanga, lanacini'mi ke'nanga koasaKu.

PAOLE 2:25

Appakkaramula anne alloa laKupa'jariko tunikamallakkang ri bansa-bansaya ri kere-keremae. Sikamma taua lannekkereki napakamma malla' punna nalangngereki kabara'nu.’ ”

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.