LAMPA-LAMPANA 17:3 - KITTA' MATANGKASA'

³ Situru' apa niaka tattulisi' lalang ri Kittaka, napakasingara'mi siagang napa'buttimi Paulus angkanaya parallui Nakasia' sessaya siagang ambangung poleang battu ri kamateanga anjo Karaeng Mappasalama' Napa'janjianga Allata'ala. Nakana Paulus, “Anjo Isa, kukabarranga mae ri kau ngaseng, Iami Karaeng Mappasalama' le'baka Napa'janjiang Allata'ala.”

LAMPA-LAMPANA 17:3 Referans Kwoze

LAMPA-LAMPANA 18:28

Nasaba' akkullei nabeta bicara tu Yahudia punna sipa'bicara ke'nanga ri dallekanna tau jaia. Siagang akkullei napa'butti situru' apa-apa niaka tattulisi' lalang ri Kittaka angkanaya ma'nassa Iaminjo Isa Karaeng Mappasalama' le'baka Napa'janjiang Allata'ala.

LAMPA-LAMPANA 9:22

Mingka pila' a'jari lompomi pangaruna Saulus. Sikamma butti-butti napabattua ri passala'na Isa sanna' sikali jarre'na, angkanaya ma'nassa Iaminjo Isa Karaeng Mappasalamaka. Sa'genna takkulleami tu Yahudi niaka ri Damsyik anggeakki anjo apa napaua.

LUKAS 24:32

Nakanamo massing para ia ke'nanga, “Sai sanna' memanji lompona nyawata, ri wattunna a'bicara siagang ikatte, siagang ri wattunna Napakasingara' bonena Kittaka ri katte ri tangngana aganga?”

LAMPA-LAMPANA 3:18

Na lanri kammana tomminjo, na'rupamo apa le'baka Napabattu riolo Allata'ala lalang ri na'bi-na'biNa, angkanaya musti lanisessai anjo Karaeng Mappasalama' nipa'janjianga.

LUKAS 24:46

Nampa Nakana Isa ri ke'nanga, “Nia' tattulisi' lalang ri Kittaka angkanaya musti attallasa' poleangi Karaeng Mappasalamaka battu ri kamateanga, ri makatalluna alloa.

GALATIA 3:1

Sikamma sari'battangku niaka ri Galatia! Teai sipato' dongo'nu. Maka inai le'ba' angngajara' salako? Le'ba'mi kupakasingara' baji'-baji' mae ri kau battuanna anjo kamateanNa Almasi ri kayu sallika!

LAMPA-LAMPANA 1:4

Na ri wattunna a'rappungang siagang ke'nanga, Nasaremi parenta ke'nanga Nakana, “Teako rolong a'lampai battu ri Yerusalem. Attayangko rolong anjoreng, sa'gennu Nasare Allata'ala anjo apa le'baka Napa'janjiang, iamintu apa le'baka Kupau ri kau ri pirangalloang.

YOHANES 20:9

Sa'genna anjo wattua tenapa napahangi ke'nanga apa niaka tattulisi' lalang ri Kittaka angkanaya lattallasa' poleangi Isa battu ri kamateanga.)

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

LAMPA-LAMPANA 18:5

Ri wattunna nia'mo Silas siagang Timotius battu ri Makedonia, napakemi Paulus sikontu wattunna niaka, untu' ampabattui kabara' battua ri Allata'ala mae ri tu Yahudia. Napabattumi mae ri ke'nanga ri passala'na Isa, Karaeng Mappasalama' le'baka Napa'janjiang Allata'ala.