LAMPA-LAMPANA 15:3 - KITTA' MATANGKASA'

³ Nirurungammi ke'nanga ri anggota-anggota jama'aka sa'genna assulukang kota. Nampa a'lampa ke'nanga allalo ri Fenisia siagang Samaria. Anjoreng, nacaritami ke'nanga antekamma batena bansa-bansa maraenga ampassareang tommi kalenna mae ri Allata'ala. Sanna'mi rannuna ngaseng tau tappaka anjoreng allangngereki anjo kabaraka.

LAMPA-LAMPANA 15:3 Referans Kwoze

LAMPA-LAMPANA 14:27

Ri wattunna battumo ke'nanga mange ri Antiokhia, napa'rappungammi ke'nanga sikamma anggota jama'aka anjoreng. Nampa nacaritakang ngaseng anjo anggota jama'aka sikamma apa le'baka Nagaukang Allata'ala lalang ri kalenna ke'nanga ilalang ri pa'lampanna ke'nanga. Nacarita tommi ke'nanga antekamma batena Nasungkeang todong Allata'ala bansa-bansa maraenga agang, sa'genna akkulle todong ke'nanga a'jari tappa' mae ri Isa.

LAMPA-LAMPANA 21:5

Mingka ri wattunna lala'busu'mo wattunta lammantang anjoreng, a'lampa maki' ambokoi ke'nanga, nanipannarrusu' lampata. Amminawang ngasemmi ke'nanga massing sipammanakang angngantarakki' sa'genna assulu' ri pantaranganna kotaya. Anjoreng ri biring tamparanga, akkulantu' ngaseng maki' appala' doang.

TITUS 3:13

Attojeng-tojengko usaha untu' ambantui Zenas, anjo tu cara'deka ri pangngassengang hukkung-hukkunga, siagang Apolos; sollanna tena kakuranganna punna a'lampa ke'nanga.

1 KORINTUS 16:11

Gassingka nia' tau tanjampangiai. Bantui sollanna akkulle napannarrusu' pa'lampanna ammotere' mae ri nakke siagang salama'; nasaba' kutayangi kabattuanna siagang sari'battang maraenganga.

1 KORINTUS 16:6

Kira-kira lammantanga' sinampekang ri tangnga-tangnganu, kira-kira punna battu wattu dinginga sallang. Punna le'baki anjo kuminasai nakkullea' nubantu ampannarrusuki pa'lampangku mange ri tampa' maraenganga.

ROMA 15:24

Sallang punna a'lampa' mange ri pa'rasangang Spanyol, erokka' assengka ri kota nupammantangia; nakuma'minasa sollanna akkulleki' assibuntulu', nakukkulle a'rannu-rannu sinampe' siagang ikau ngaseng. Napunna le'baki anjo, kuminasai sollanna akkulle ngasengko ambantua' untu' anjo pa'lampangku mange ri Spanyol.

LAMPA-LAMPANA 15:12

Tenamo nania' akkana sikontu anjo tuniaka assirapakkang. Nampa napilangngerimo ke'nanga Barnabas siagang Paulus ancarita poleangi sikamma anjo gau'-gau' appakalannasa' le'baka Nagaukang Allata'ala lalang ri kalenna ke'nanga ri tangnga-tangngana bansa maraenga.

2 KORINTUS 1:16

Erokka' battu angkunjungiko punna a'lampa' mange ri butta Makedonia, siagang nakuassengka pole punna ammoterekka'; sollangku akkulle nubantu punna kupannarrusu' lampaku mange ri pa'rasangang Yudea.

LAMPA-LAMPANA 28:15

Anrapi'mi kabaratta mange ri sikamma sari'battang tappaka ri Isa ri Roma. Jari battumi ke'nanga sa'genna ri Pasara' Apius siagang Pasanggarahang Tallu, ero' anruppaiki'. Ri wattunna assibuntulu'mo Paulus siagang ke'nanga, appala' sukkuru'mi Paulus mae ri Allata'ala. A'jari sannammi pa'mai'na.

LAMPA-LAMPANA 13:52

Sanna'mi rannuna ngaseng tau tappaka ri Antiokhia siagang nikoasaimi ke'nanga ri RohNa Allata'ala.

LAMPA-LAMPANA 13:48

Ri wattunna nalangngere' tau battua ri bansa maraenga anjo kananna Paulus, sannang sikalimi nyawana ke'nanga. Ammuji-mujimi ke'nanga ri Batara. A'jari tappa'mi sikamma tau le'baka nipattantu ri Allata'ala langgappai katallassang satunggu-tunggua.

LAMPA-LAMPANA 8:14

Nalangngere'mi sikamma tunisuroNa Allata'ala ri Yerusalem angkanaya natarimami taua ri Samaria kananNa Allata'ala. Jari nasuromi ke'nanga Petrus siagang Yohanes mange anjoreng.

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

LAMPA-LAMPANA 1:15

Ri se'reang allo, ri wattunna a'rappungang ke'nanga – nia' kira-kira sibilangngang ruampulo jaina tau hadere' – ammentemmi Petrus a'bicara. Nakana,

LAMPA-LAMPANA 15:1

Nia'mo siapa are tu battu ri Yudea mange ri Antiokhia. Naajara'mi tau tappaka ri Antiokhia angkanaya takkulleai salama' ke'nanga, punna tena nanisunnaki ke'nanga situru' Napassuroanga Allata'ala, le'baka napangngajarrang Musa.

LAMPA-LAMPANA 15:4

Ri wattunna battu ke'nanga mange ri Yerusalem, nitarima baji'-baji'mi ke'nanga ri jama'aka, ri tunisuroNa Allata'ala, kammayatompa ri pamimping-pamimping jama'aka. Nampa nacarita ngasemmo ke'nanga sikamma apa le'baka Nagaukang Allata'ala lalang ri kalenna ke'nanga.

LAMPA-LAMPANA 15:22

Assamaturu'mi tunisuroNa Allata'ala, pamimping-pamimpinga, siagang sikontu anggota jama'aka, ero' ampilei siapa are tau lanisuroa angngagangi Paulus siagang Barnabas a'lampa mange ri Antiokhia. Napilemi ke'nanga Silas siagang Yudas, nigallaraka todong Barsabas. Iaminne tau ruaya nibilang tutoa ri sikamma tau tappaka ri Yerusalem.

LAMPA-LAMPANA 15:32

Anjo Yudas siagang Silas, na'bi-na'bi todong, salloi sipa'bicara siagang sikamma tu tappaka ri Antiokhia; napakalompomi sumanga'na siagang napakajarre'mi tappa'na anjo sikamma tu tappaka.

LAMPA-LAMPANA 17:15

Le'baki naantara' Paulus sa'genna ri Atena, ammotere'mi anjo sikamma tau tappaka mange ri Berea. Angngerammi pasang ke'nanga battu ri Paulus, sollanna linta' amminawang Silas siagang Timotius.

LAMPA-LAMPANA 20:38

Sanna' ngaseng si'nana atinna ke'nanga, la'biangampa lanri nakanana Paulus angkanaya talasicinikami ke'nanga. Naantara'mi ke'nanga Paulus sa'genna nai' ri kappalaka.