LAMPA-LAMPANA 13:2 - KITTA' MATANGKASA'

² Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

LAMPA-LAMPANA 13:2 Referans Kwoze

GALATIA 1:15

Mingka lanri baji' atiNa Allata'ala, Napile memamma' ri wattu tenanapa nakunilassukang. Siagang Nakio'ma' untu' a'jari palayang mae ri Ia.

LAMPA-LAMPANA 9:15

Mingka Nakanamo Batara ri Ananias, “A'lampamako! Nasaba' le'ba'mi Kupile anjo taua a'jari palayangKu; sollanna akkulle napabattu arengKu mae ri bansa-bansa maraenga, tenaya nantama' agama Yahudi, siagang ri sikamma karaenga, kammayatompa ri umma' Israel.

2 TIMOTIUS 1:11

Untu' iaminjo Kabara' Bajika lanibirittakang naNaangkaka' Allata'ala a'jari tunisuro siagang guru.

1 KORINTUS 12:11

Mingka se'reji Roh anggaukangi anjo sikammaya; massing nisarei tasse're-se'rea tau pakkulle, situru' ero' KalenNa RohNa Allata'ala.

ROMA 1:1

Natarimai sikamma sari'battangku niaka ri Roma, nikamaseanga ri Allata'ala, siagang le'baka nikio' a'jari umma'Na Allata'ala. Le'ba'ma' nipile siagang niangka' untu' poro ambirittakangi Kabara' Baji' battua ri Allata'ala.

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

LAMPA-LAMPANA 22:21

Mingka Nakanamo pole Batara mae ri nakke, ‘A'lampamako, nasaba' laKusuroko a'lampa mange ri tampa'-tampa' bellaya, mange ri bansa-bansa maraenga.’ ”

LAMPA-LAMPANA 14:26

Battu anjoremmi ke'nanga assombala' ammotere' mange ri Antiokhia. Iaminjo kota napattampakia ke'nanga ri wattunna nipassareang ke'nanga mae ri Allata'ala, sollanna nagaukang ke'nanga anjo jama-jamang napa'le'bakamo ke'nanga kamma-kamma anne.

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

KOLOSE 4:17

Siagang pauangi Arkhipus, angkanaya, “Pa'le'baki jama-jamang nipassareanga mae ri kau untu' allayani Batara.”

LUKAS 2:37

na'jari jandamo Hana. Kamma-kamma anne sagantujupulomi angngapa' taung umuru'na. Tena le'bakai nabokoi Balla'Na Batara. Allo bangngi mange ri Balla'Na Batara appala' doang ri Allata'ala siagang appuasa.

1 SAMUEL 2:11

Nampa ammotere'mo Elkana siagang kaluargana mange ri Rama. Mingka Samuel, anjo anaka, ammantammi ri Silo siagang allayani Batara nipimping ri Imang Eli.

2 TIMOTIUS 2:2

Anjo pangngajarang le'bakamo nulangngere' battu ri nakke ri dallekanna tau jaia, parallui nupappirannuang mae ri sikamma tau akkullea nipatappa' siagang cara'deka angngajaraki tau maraenga.

EFESUS 3:7

Nasarema' pangngamaseang Allata'ala, iamintu jama-jamang, untu' ampa'la'bangi anjo Kabara' Bajika. Kutarimami anjo pangngamaseanga lalang ri koasaNa Allata'ala, anjamaya lalang ri kalengku.

LAMPA-LAMPANA 13:3

Le'baki appuasa siagang appala' doang ke'nanga, napadongko'mi limanna ke'nanga irateanganna Barnabas siagang Saulus, nampa nabarakkaki nanasuro ke'nanga sipa'rua a'lampa.

LAMPA-LAMPANA 10:30

Appialimi Kornelius nakana, “Ri tallungallona allaloa, kira-kira ri wattu kamma-kammaya anne, sitabanga' appala' doang ri ballakku, ri wattu tette' tallu ri karuenga. Ti'ring nia'mo sitau bura'ne ammenteng ri dallekangku. Accilla'-cillaki pakeanna anjo taua.

LAMPA-LAMPANA 10:19

Lalang tuli napikiri'na ija Petrus angkana apa battuanna anjo pappiso'nana, Nakanamo RohNa Allata'ala ri ia, “He, Petrus, nia' tau tallu amboyako.

LAMPA-LAMPANA 8:29

Nakanamo RohNa Allata'ala mae ri Filipus, “Mangeko anreppesi anjo karetaya.”

MATIUS 9:38

Jari pala'mi ri patanna tana sollanna nasuro battu pakattona.”

MATIUS 6:16

“Punna appuasako, teako pinra-pinrai tanja'nu a'jari susa, kamma tau munapeka. Anjo tau munapeka nangai napinra-pinra tanja'na a'jari kamma tau susa punna appuasai, lanri ero'na niasseng ri taua angkanaya appuasai. U'rangi angkanaya ia tommi anjo pahalana ke'nanga punna niassemmo ri taua angkanaya appuasai. Pantaranganna anjo tenamo nalanggappa pahala maraeng ke'nanga.

PAOLE 10:8

Anjoreng ri monconga Naallemi Batara tu Lewi nampa Nasa'la' untu' angngurusuki Patti Parjanjianga siagang nalayani Batara, kammayatompa ampabattui kana barakkaka lalang arenNa Batara. Iaminjo tugasa'na ke'nanga sa'genna kamma-kamma anne.

IBRANI 5:4

Tenanniakka manna sitau angngangkaki kalenna a'jari imang lompo. Iapa nakkulle a'jari imang lompo taua, punna KalenNa Allata'ala angkioki – sangkamma ri nikio'na Imang Harun.

2 TIMOTIUS 4:11

Lukas mami kuagang ammantang. Alle tongi Markus nanuerang mae anrinni, nasaba' akkullea' nabantu lalang ri jama-jamangku.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

2 KORINTUS 11:27

Sitangnga matea' akkareso: a'mole-molea' tattinroa, tangnganrea, tangnginunga; a'mole-molea' naalle cipuru', naalle dinging lanri kuranna care-careku siagang tenana pammantangangku.

2 KORINTUS 6:5

nisessa maki', nitarungku maki', siagang niborongi maki' niba'ji; anjama terasa' maki', masarro maki' tattinroa, kammayatompa masarro tommaki' tamangnganrea.

1 KORINTUS 7:5

Teako assikabellai salaku tau akkalabini. Akkulle jako assikabellai untu' poro sinampekang punna assamaturu' jako. Sollanna punna kamma, akkulleko sipappala' doangang natena nunggappa paccoba. Mingka musti ammoterekko sikambani salaku tau akkalabini. Punna takammaya, akkulleko ninyonyo' ri setanga, nasaba' takkulleai nutahang hawa napasunu.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

ROMA 10:15

Kammayatompa pole, antekamma lakkulle taua ampabattui anjo birittaya punna tena nanisuroi ke'nanga? Nia' tattulisi' lalang ri Kittaka angkanaya, “Teai sipato' baji'na kabattuanna tau angngeranga Kabara' Baji' battu ri Allata'ala.”

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 6:4

nasaba' eroka lanajama ikambe iamintu appala' doanga siagang ampabattui kana-kananNa Allata'ala.”

1 PATTOTTORANG 16:4

Angngangka'mi Daud siapa are tu Lewi untu' ampimpingi pa'gaukang passambayanganga mae ri Batara, Allata'alana Israel, ri dallekanna anjo Patti Parjanjianga, siagang kelong, na pammuji-muji.

LUKAS 10:1

Le'baki anjo Napileimi pole Isa tujupulo ana' gurunNa, nampa Nasuro ke'nanga a'lampa ta'rua-rua. Nasuroi ke'nanga a'lampa riolo mange ri kota-kota siagang sikamma tampa' eroka Nakunjungi.

LAMPA-LAMPANA 4:36

Kamma tomminjo nagaukanga Yusuf, sossorang battu ri Lewi, battu ri Siprus, nigallaraka Barnabas (battuanna Panynyaleori) ri tunisuroNa Allata'ala. Nabalukang tommi tanana, nampa napassareang ballinna mae ri sikamma tunisuroNa Allata'ala.

LAMPA-LAMPANA 13:4

Lanri nisuroi ke'nanga ri RohNa Allata'ala, a'lampami Barnabas siagang Saulus mange ri Seleukia. Battu anjorengi ke'nanga assombala' mange ri pulo Siprus.

MATIUS 17:21

Mingka anne roh ja'dala' kammaya pappala' doangang siagang puasaji bawang akkulle ampasuluki.]”