LAMPA-LAMPANA 12:2 - KITTA' MATANGKASA'

² Iami amparentakangi, nanibunomo siagang pa'dang sari'battanna Yohanes, iamintu Yakobus.

LAMPA-LAMPANA 12:2 Referans Kwoze

IBRANI 11:37

Nia' nisambilai batu sa'genna mate, nia' nisamballe siagang garagaji, kammayatompa nibuno siagang pa'dang. Mange-mangei a'lampa ke'nanga ammakeang kukkulu' gimbala' yareka kukkulu' bembe; kasi-asi tallasa'na ke'nanga, nigau' takamma-kammai siagang nisessai.

MATIUS 20:23

Nakanamo Isa, “Memang akkullejako ampisa'ringi passessa laKupisa'ringia. Mingka inai sallang lammempo ri sa'ri kairingKu siagang ri sa'ri kanangKu, teai iNakke lampattantui. Anjo tampaka lanipassareangi ri tau le'bakamo Napattantu Manggea.”

MARKUS 10:38

Nakanamo Isa ri ke'nanga, “Tanuassengai antu apa nupalaka. Maka lanukulleji angnginung battu ri pangnginungang rassia passessa, laKuinunga? Siagang maka lanukulleji antama' ri pammantangang jaia passessa, laKupantamakkia?”

MARKUS 10:35

Battumi ana'-ana'na Zebedeus mae ri Isa, iamintu Yakobus siagang Yohanes. Nakana ke'nanga, “O Bapa' Guru, nia' ero' napala' ikambe ri Katte, naporo' akkulle laloja Kigaukang untu' ikambe.”

1 KARAENG-KARAENG 19:10

Appialimi Elia angkana, “O Batara, Allata'ala Kaminang Koasaya, tulusu' anjamaku untu' iKatte. Mingka umma' Israel nadakkai parjanjianna ke'nanga siagang iKatte. Nabongkaraki ke'nanga tampa'-tampa' pakkoro'bangnganga untu' iKatte nampa nabuno sikamma na'bi-na'biTa. Inakke mami bawang tassesa, nampa kamma-kamma anne eroki ke'nanga ambunoa'!”

1 KARAENG-KARAENG 19:1

Nacaritami Karaeng Ahab mae ri bainenna, sikontu apa le'baka nagaukang Elia, kammayatompa antekamma batena Elia ambuno ngasengi sikontu na'bi Baal.

YEREMIA 26:23

Nampa naerang ke'nanga ammotere' anjo Uria mange ri Karaeng Yoyakim. Nampa nasuro buno karaenga anjo Uria, na napela' maya'na ri pa'jerakkang tau jaia.

MARKUS 10:39

Appialimi ke'nanga angkana, “Nakulleji ikambe.” Jari angkanami pole Isa ri ke'nanga, “Langnginung memang jako battu ri pangnginungang rassia passessa laKuinunga. Siagang lantama' tonjako ri pammantangang jaia passessa laKupantamakkia.

LAMPA-LAMPANA 12:1

Iatommi anjo wattua nappakkaramulamo Karaeng Herodes anjallakkangi anggota-anggota jama'aka.