LAMPA-LAMPANA 11:5 - KITTA' MATANGKASA'

⁵ “Sitabanga' appala' doang ri Yope, nania' se're pappiso'na battu mae ri nakke. Nia' kucini' apa-apa kamma silawara' kaeng la'ba' nipaturung battu ri langika, ta'gentung ri appaka panynyingkulu'na, nampa ammantang ri sa'ringku.

LAMPA-LAMPANA 11:5 Referans Kwoze

LAMPA-LAMPANA 22:17

“Ammotere'ma' mange ri Yerusalem. Na ri wattungku sitabang appala' doang ri Balla'Na Batara, battumi RohNa Allata'ala angkoasai kalengku.

LAMPA-LAMPANA 9:10

Anjoreng ri Damsyik nia' se're tau tappa' ri Isa, niarenga Ananias. Battumi Batara a'bicara mae ri ia ilalang pappiso'na. Nakana Batara ri ia, “Ananias!” Appialimi Ananias nakana, “Iye', Batara.”

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.

YEHEZKIEL 2:9

Nampa nia' kucini' lima ta'jonjo mae ri nakke. Lalang ri anjo limaya nia' kitta' nigulung,

LAMPA-LAMPANA 9:36

Anjoreng ri Yope, nia' sitau baine, niarenga Tabita. Ia tau tappa' ri Isa. (Lalang bicara Yunani arenna nikana, Dorkas, battuanna jonga.) Tuli nagaukangi apa-apa bajika, nanatulung tu kasi-asia.

LAMPA-LAMPANA 9:38

Anjo Yope tena nasiapa bellana battu ri Lida. Jari nalangngere'na tau tappaka ri Yope angkana niaki Petrus ri Lida, nia'mo rua tau nasuro ke'nanga mange ambuntuli Petrus. Appasammi ke'nanga ri Petrus angkana, “Akkaro-karoki' battu mae.”

LAMPA-LAMPANA 9:42

Tassiara'mi anjo apa kajarianga mae ri sikontu tau niaka ri Yope. Sa'genna jaimi tau a'jari tappa' ri Isa, a'jari Karaeng Mappasalama'na ke'nanga.