LAMPA-LAMPANA 10:4 - KITTA' MATANGKASA'

⁴ Najanjammi Kornelius anjo malaekaka, nateai sipato' malla'na. Nakanamo, “Apa kutadeng Karaeng?” Appialimi anjo malaekaka nakana, “Nitarimami ri Allata'ala sikamma pappala' doannu siagang pa'mai' baji'nu, kammayatompa Nau'rangiko Allata'ala.

LAMPA-LAMPANA 10:4 Referans Kwoze

FILIPI 4:6

Teako bata-batai ri passabakkang apa-apa mamo. Appala' doangko siagang pabattui pappala'nu mae ri Allata'ala, ilalang sikontu kaparalluannu. Teako lanre ampaui kaparalluannu mae ri Allata'ala; siagang paralluko appala' sukkuru'.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

MALEAKHI 3:16

Nampa sikamma tau mallaka ri Batara massing sipa'bicarami para ia. Napilangngeri siagang Naparhatikangi Batara apa napaua ke'nanga. Sikamma tau mappakalompoa ri Ia siagang tau mallaka ri Ia, nitulisiki arenna lalang ri se'reang kitta' catatang niaka ri dallekanna.

LAMPA-LAMPANA 10:31

Nakana ri nakke, ‘Kornelius! Natarimami Allata'ala pappala' doannu, siagang Nau'rangimi pa'mai' baji'nu.

PAPPICINI' 8:4

Anjo pappala' doanganna sikontu Umma'Na Allata'ala nai'mi siagang umbuna anjo dupa nitunua, battu ri limanna anjo malaeka' ammentenga ri dallekanNa Allata'ala.

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

FILIPI 4:18

Inakke le'ba'mi kutarima ngaseng – ba'lalo la'bimi ri gannaka! Sikamma anjo passare le'baka nukiring mae ri nakke, kutarima ngasemmi battu ri Epafroditus. Kamma-kamma anne nia' ngasemmi ri nakke apa kukaparalluanga. Anjo passarenu ngaseng, sanrapangi passare mabauka rasanna, battu ri koro'bang nipassareanga mae ri Allata'ala iamintu koro'bang nitarimaya siagang Nakarannuanga pa'mai'Na Allata'ala.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

LUKAS 1:29

Nalangngere'na Maria kananna anjo malaekaka, ta'bangka sikalimi. Akkuta'nammi lalang ri pa'mai'na angkana apa battuanna anjo sallanna malaekaka.

MATIUS 26:13

Patappa'mi angkanaya, kere-keremae nipa'la'bang Kabara' Baji' battua ri Allata'ala ri sikontu linoa, anjoremmi lanibicara todong anne nagaukanga bainea, a'jari pammatei siagang pangngu'rangi ri ia.”

DANIEL 10:11

Nakanamo anjo malaekaka ri nakke, “Daniel, Nikamaseangko ri Allata'ala. Ambangungko siagang ammentengko nai' nampa pilangngeri baji'-baji' anne kana-kanangku. Nisuroa' anne battu mae ri kau.” Ri wattunna napau anjo kammaya, ammentemma' nakuannekkere'.

YESAYA 43:26

Piu'rangiangA', umba kimange ri pangadelang, pamajumi parkaranu sollanna a'nassa angkanaya annabako.

2 PATTOTTORANG 32:24

Anjo wattua tu'guru' garringi Karaeng Hizkia. Pammate sanna'na anjo garrinna sa'genna a'biring dudumi mate. Appala' doammi ri Batara; nampa nisaremo pammatei ri Batara angkanaya lammollei ri garrinna.

2 PATTOTTORANG 6:33

dasi-dasi naKipilangngeri anjo pappala'na battu ri pammantanganTa ri suruga siagang Kiturukiang anjo pappala'na. Lanri kammana anjo sikontu bansaya ri anne linoa lanaasseng maKi' siagang lamannuruki mae ri Katte sangkamma ummatTa Israel. Lanaassengi ke'nanga angkanaya iaminne Balla' kubangunga tampa' untu' anynyomba mae ri Katte.

1 SAMUEL 3:10

Nampa battumo Batara, ammenteng ri anjo tampaka siagang akkio' angkana, “Samuel, Samuel!” Nappialimo Samuel angkana, “Appau maKi' Batara, nappilangngeri atanTa.”

LAMPA-LAMPANA 22:10

Akkuta'namma' pole angkana, ‘Apa musti kugaukang Batara?’ Appialimi Batara angkana, ‘Ambangungko nai' nampa antamakko ri kota Damsyik. Anjoreng pako sallang lanipauang sikontu apa eroka Nasuro gaukang Allata'ala ri kau.’

LUKAS 24:5

Sanna'mi malla'na ke'nanga, siagang su'ju'mi ke'nanga naung ri buttaya. Mingka nakanamo anjo tau ruaya, “Angngapa nu'boya tau attallasa' ri alla'na tau matea?

YESAYA 45:19

Tena Kuccokko-cokko a'bicara, yareka a'bicara rahasia. Tena Kusuroi ummakKu Israel sia-sia amboyai KalengKu. INakke, Batara, Makkana tojeng, siagang ampaui apa annabaya.”

KAIMANGNGANG 2:2

Musti naerangi mange ri imang jari-jarina Harun. Imang tugasaka anjo wattua musti naallei sikangkang anjo labuka siagang minynya' zaitunna kammayatompa sikontu kamanynyanna, nampa natunu irate ri tampa' pakkoro'bangnganga, salaku pammatei angkanaya yangasenna anjo nipassareang ngasemmi mae ri Batara. Rasanna anjo koro'bang kanrea lanapakasannangi nyawaNa Batara.

PAMMUJI 20:3

Poro akkiringi bantuang battu ri Balla'Na, na Nasareko pannulung battu ri Bulu' Sion.

LAMPA-LAMPANA 3:4

Najanjammi ke'nanga anjo tau pesoka, nampa nakana Petrus, “Cinikia'!”

LAMPA-LAMPANA 14:9

Ammempomi anjo tau pesoka ampilangngeri Paulus a'bicara. Nacini'mi Paulus angkana tappaki anjo tau pesoka, jari akkullei niballei. Najanjammi Paulus anjo taua,