LAMPA-LAMPANA 10:1 - KITTA' MATANGKASA'

¹ Anjoreng ri Kaisarea, nia' sitau bura'ne niarenga Kornelius. Jama-jamanna, iamintu kapiteng ri “Pasukang Italia”.

LAMPA-LAMPANA 10:1 Referans Kwoze

LAMPA-LAMPANA 27:1

Le'ba'mi nitappuki angkanaya musti a'lampa maki' mange ri Italia. Jari nipassareammi Paulus siagang siapa are tahanang maraenga mae ri Yulius, iamintu perwira tantara Roma nigallaraka “Pasukanna Karaenga”.

MATIUS 27:27

Le'baki anjo nierammi Isa ri surudaduna Pilatus antama' ri balla' lompona guburnurka. A'rappungang ngasemmi surudadua amparitangngai Isa.

LAMPA-LAMPANA 8:40

Ti'ring nia'mi Filipus ri Asdod. Na ri wattunna napatulusu' pa'lampanna napabattumi Kabara' Bajika ri passala'na Isa, ri sikamma kota-kotaya sa'genna battu mange ri Kaisarea.

LAMPA-LAMPANA 27:43

Mingka nipisangkai ke'nanga ri perwiraya, lanri ero'na napasalama' Paulus. Nasuro ngasemmi tau akkullea a'lange a'lumpa' rolong naung nampa a'lange mange ri birinna bontoa;

LAMPA-LAMPANA 25:1

Tallungalloi battuna Festus, mange anjoreng ri daeraya, nabokoimi Kaisarea nampa a'lampa mange ri Yerusalem.

MATIUS 27:54

Malla'mi komandanna surudadua siagang sikamma surudadu niaka anjagai Isa, ri wattunna nacini' ta'ge'goso' buttaya siagang yangasenna anjo kajarianga. Nakanamo ke'nanga, “Ma'nassa Ana'Na tojeng Allata'ala anne Taua!”

LAMPA-LAMPANA 27:31

Mingka nakanamo Paulus ri anjo perwiraya siagang sikamma anjo tantara niaka ri kappalaka, angkana, “Punna tammantanga anjo ana'-ana' kappalaka anrinni ri kappalaka, tena ngaseng nulasalama' battu ri anne bahayaya.”

LAMPA-LAMPANA 25:13

Tasalloai ribokoanganna, niaki battu Karaeng Agripa siagang Bernike ero' ampasalamaki Festus.

LAMPA-LAMPANA 23:33

Ri wattunna battu anjo tantara padongko' jaranga mange ri Kaisarea, napabattumi ke'nanga anjo suraka mae ri guburnurka, nampa napassareang todong Paulus mae ri ia.

LAMPA-LAMPANA 23:23

Le'baki anjo akkio'mi anjo komandanga rua perwira, nampa nakana ri ke'nanga, “Appasadiako ruambilangngang tantara kammayatompa tujupulo tantara padongko' jarang, siagang ruambilangngang tantara angngeranga poke, nampa a'lampa memangki' ri tette' salapang anne bangngia mange ri Kaisarea.

LAMPA-LAMPANA 22:25

Mingka ri wattunna le'ba'mo nisikko' Paulus nampa lanicambo', nakanamo Paulus ri anjo perwira niaka ammenteng anjoreng, “Maka akkullei nicambo' bansa Romaya punna tenapa nale'ba' niadeli?”

LAMPA-LAMPANA 21:8

Ammukona a'lampa maki' pole, nakibattumo mange ri Kaisarea. Anjoreng, mange maki' ri se'reang pabiritta Kabara' Baji' niarenga Filipus. Ammantang maki' ri balla'na. Anne Filipus, iami kalase'renna anjo tau tujua le'baka nipile ri Yerusalem.

YOHANES 18:12

Nijakkala'mi siagang nisikko'mi Isa. Ia battua anjakkalaki Isa iamintu surudadu Roma nipimpinga ri komandanna, siagang pangawala'-pangawala'na tu Yahudia.

YOHANES 18:3

Jari battumi Yudas mange anjoreng, angngerang se're pasukang tantara Roma siagang siapa are pangawala'na Balla'Na Batara. Iaminne ke'nanga nisuroa ri imang-imang kapalaya siagang tu Farisia. Angngerangi ke'nanga sanjata, lampu, siagang sulo.

LUKAS 7:2

Anjoreng nia' se're perwira surudadu Roma. Anne perwiraya, nia' palayanna, sannaka nakarimangnginna. Na anjo palayanna natabai garring sanna', siagang lamate dudumi.

MARKUS 15:16

Nierammi Isa ri surudadua mange ri balla' lompona guburnurka. Nampa nikio' ngaseng a'rappungang pasukanga.

LAMPA-LAMPANA 10:24

Siallo le'ba'na anjo, battumi ke'nanga mange ri Kaisarea. Sallomi ke'nanga nitayang-tayang ri Kornelius siagang bija-bijanna, kammayatompa passari'battangang baji'na niaka todong nakio' battu.

LAMPA-LAMPANA 21:31

Lalang ero'na anjo sikamma tau apparicua ambunoi Paulus, nia'mo tau lari mange ri komandang pasukanna tantara Roma. A'laporo'mi anjo taua angkanaya sanna' ricuna taua ri sikontu kota Yerusalem.