LAMPA-LAMPANA 1:7 - KITTA' MATANGKASA'

⁷ Appialimi Isa Nakana, “KalenNa ManggeKu lampattantui allonna siagang wattunna. Anjo tena naparallu nuasseng, nasaba' anjo lalang koasaNai Manggea.

LAMPA-LAMPANA 1:7 Referans Kwoze

MATIUS 24:36

“Tena tau angngassengi ringngapanna allonna siagang tette'na; manna malaekaka ri suruga tena todong; kammayatompa manna Ana'Na Allata'ala tena todong Naassengi. Passangalinna Manggea bawang angngassengi.

MARKUS 13:32

“Mingka manna nakamma mamo, tenanniakka tau angngassengi ringngapanna allonna yareka ringngapanna tette'na. Manna malaekaka ri suruga siagang manna Ana' Ma'rupataua tena todong Naassengi. Passangalinna Manggea bawang angngassengi.

MARKUS 10:40

Mingka passala' inai lammempo ri sa'ri kanangKu siagang ri sa'ri kairingKu, anjo teai Nakke lampattantui. Allata'ala lampattantui angkana inai-nai lammempo ri anjo tampaka.”

PAOLE 29:29

Nia' siapa are passala' Narahasiakang Karaeng Allata'ala mae ri katte; mingka le'ba'mi Napa'nyata hukkunNa mae ri katte, na ikatte siagang sikontu jari-jarita musti mannuruki mae ri anjo hukkunga sa'genna satunggu-tungguna.”

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

EFESUS 1:10

Anjo eroka Nagaukang, iamintu, sollanna sikontu linoa, baji' na niaka ri suruga yareka na niaka ri buttaya, a'jari se're ngasengi lalang ri Almasi, a'jaria kapala. Na punna narapi'mi wattunna, laNapa'le'ba'mi Allata'ala anjo jama-jamanga.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

2 TIMOTIUS 3:1

U'rangi anne: Ri allo-allo kala'busanga sallang, lajai kasusaang battu.

1 TIMOTIUS 6:15

KalenNa Allata'ala lampattantui wattu mattantuna kabattuanNa. Iami Makoasaya tenaya ruanna; Iami mala'biri', Karaenna sikontu karaenga, Batarana sikontu rewataya.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.

MATIUS 20:23

Nakanamo Isa, “Memang akkullejako ampisa'ringi passessa laKupisa'ringia. Mingka inai sallang lammempo ri sa'ri kairingKu siagang ri sa'ri kanangKu, teai iNakke lampattantui. Anjo tampaka lanipassareangi ri tau le'bakamo Napattantu Manggea.”

AYUB 24:1

“Angngapa nataNapattantua Allata'ala allo pangadelanga, sollanna anggappa kaadelang tau angngassengai?