LAMPA-LAMPANA 1:6 - KITTA' MATANGKASA'

⁶ Ri wattunna a'rappungang sikamma anjo tunisuroa siagang Isa, akkuta'nammi ke'nanga ri Isa, angkana, “O Batara, ero' maKi' kamma-kamma anne ampaenteng poleangi PamarentahanTa ri bansa Israel?”

LAMPA-LAMPANA 1:6 Referans Kwoze

LUKAS 19:11

Lalang nipilangngerina ri taua a'bicara, Nacaritami Isa se're pangngebarang. Nasaba' ri wattunna a'reppese'mo ri Yerusalem nakapangi taua angkanaya tasalloami nalammarenta Allata'ala salaku Karaeng ri linoa.

LUKAS 17:20

Nia' siapa are tu Farisi akkuta'nang ri Isa angkana, ringngapanna Nalabattu Allata'ala ammarenta. Appialimi Isa Nakana, “Punna Napakkaramulai PamarentahanNa Allata'ala, tena Napakaramulai siagang pammatei akkullea nacini' mata,

DANIEL 7:27

Koasana siagang kalompoanna sikontu kakaraenganga ri buttaya lanipassareangi mae ri umma'Na Allata'ala Kaminang Tinggia. Koasana ke'nanga untu' ammarenta tena kala'busanna siagang sikontu pamarentaya ri buttaya lanapa'jari atai kalenna mae ri ke'nanga, siagang lamannuruki ri ke'nanga.”

MATIUS 24:3

Le'baki anjo, a'lampami Isa mange ri Bonto Zaitun. Na ammemponamo, battumi ana'-ana' gurunNa angngagangi a'bicara kale-kalenna. Nakanamo ke'nanga ri Ia, “Kipaumi ri kambe anne, singngapanna nalakajariang ngaseng anjo kammaya? Apa la'jari pammateina punna battu poleangKi' sallang ri allo kala'busang jammanga?”

LUKAS 22:29

Sangkamma nasareMa' pangngellai ManggeKu ammarenta, sangkamma tommi anjo, laKusare tongko pangngellai kammaya.

MATIUS 17:11

Appialimi Isa Nakana, “Battu memangi Elia ero' ampasadiai sikamma parallua nipasadia.

MATIUS 20:21

Akkuta'nammi Isa Nakana, “Apa nukaeroki?” Appialimi anjo bainea nakana, “Punna a'jari KaraengKi' sallang kupalaki naKipaempo anne anakku ruaya, se're ri kairinTa na se're ri kananTa.”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

YESAYA 1:26

LaKusare poleangko haking-haking siagang tumappakainga' kamma riolo. Nalaniaremmo Yerusalem kota adele' siagang majarre' ri tappa'na.”

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

YOHANES 21:21

Nacini'na anjo ana' guru Nakamaseanga Isa, akkuta'nammi Petrus ri Isa, nakana, “Antekamma anne taua?”

MARKUS 9:12

Appialimi Isa Nakana, “Memang Elia battu la'bi riolo untu' ampasadiai yangaseng-ngasenna parallua. Mingka antekamma ia passala'na Ana' Ma'rupataua? Apa saba'na na tattulisi' lalang ri Kittaka angkanaya lajai sessa laNapisa'ringi siagang lanihinai ri taua?

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.