LAMPA-LAMPANA 1:5 - KITTA' MATANGKASA'

⁵ Nasaba' je'ne' napake Yohanes anje'nekko, mingka tasalloami anne nulanije'ne' siagang RohNa Allata'ala.”

LAMPA-LAMPANA 1:5 Referans Kwoze

MATIUS 3:11

Inakke je'ne' kupake anje'nekko a'jari pammatei angkanaya ma'nassa toba' mako battu ri gau' dosa-dosanu; mingka labattua sallang ri bokoangangku, iami sallang lanje'nekko pepe' siagang RohNa Allata'ala. La'birangangi nainakke. Manna a'jari pabinting sapatuNa tena todong kusiratang.

LUKAS 3:16

Jari nakanamo Yohanes ri ke'nanga, “Inakke je'ne' kupake anje'nekko, mingka nia' labattu tau lompoanganga na inakke. Manna alla'gasia otere' sapatuNa tena todong kusiratang. Iami sallang lanje'nekko siagang RohNa Allata'ala siagang pepe'.

1 KORINTUS 12:13

Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.

TITUS 3:5

Napasalama' maki', lanri KalenNa angkamaseangki', jari teai lanri nia'na kabajikang le'ba' nigaukang. Napasalamakki' tete ri RohNa Allata'ala assareaki' kajariang beru siagang katallassang beru lanri Natangkasinta.

MARKUS 1:8

Inakke je'ne'ji kuje'nekangko, mingka Ia sallang RohNa Allata'ala laNaje'nekangko.”

LAMPA-LAMPANA 19:4

Nakanamo Paulus, “Naje'neki Yohanes taua sollanna akkulle nipa'nassa angkanaya ma'nassa toba' ngasemmi anjo taua battu ri dosa-dosana. Mingka tuli napau tongiji Yohanes mae ri tu Israelka, angkanaya musti tappaki ke'nanga mae ri Tau niaka battu ribokoanganna, iamintu Isa.”

LAMPA-LAMPANA 10:45

Sikamma tu Yahudi tappakamo ri Isa, anjo niaka amminawang ri Petrus battu ri Yope, a'jari lannasa' ngasemmi anciniki anjo apa kajarianga. Lannasa' ngasengi ke'nanga anciniki nasaba' Napassareang tongi RohNa Allata'ala mae ri bansa maraenga, pantaranganna bansa Yahudia.

YOHANES 1:31

Uru-uruna tena nakuassengi inai anjo. Nasitojenna battua' anje'neki taua siagang je'ne', sollanna niasseng ri bansa Israelka.”

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

MATIUS 3:6

Namangakuimi dosa-dosana ke'nanga, nampa nije'ne' ke'nanga ri Yohanes lalang ri Binanga Yordan.

YOHANES 1:26

Appialimi Yohanes, nakana, “Inakke je'ne' kupake anje'neki taua. Mingka nia' ri tangnga-tangnganu tau tenaya nuassengi.

YOHANES 1:33

Anjo wattua tenapa nakuassengi angkana inai anjo. Mingka nipauamma' ri Allata'ala assuroa' anje'neki taua siagang je'ne' angkana, ‘Punna nucini' manurung RohNa Allata'ala, nampa ammantang irateang se'reang tau, Iaminjo taua lanje'neki taua siagang RohNa Allata'ala.’ ”