LAMPA-LAMPANA 1:21 - KITTA' MATANGKASA'

^21-22 Lanri kammana minjo, namusti nia' sitau ansambeangi Yudas, amminawanga siagang ikatte a'jari sa'bi angkanaya ma'nassa attallasa' poleammi Batarata Isa battu ri kamateanga. Anjo tau ansambeangai, musti kalase'renna tau niakamo tuli angngagangki' ri wattunna a'lampa Isa ri kere-keremae siagang ikatte. Iamintu appakkaramula ri wattunta naje'ne' Yohanes, sa'genna niangka' Isa nai' ri suruga battu ri tangnga-tangngata.”

LAMPA-LAMPANA 1:21 Referans Kwoze

YOHANES 15:27

Na ikau ngaseng, musti a'jari sa'bi tongko mae ri KalengKu, lanri ikau ngasemmi angngagangA' sipa'rurungang battu ri pakkaramulanna.

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

PAOLE 31:2

angkana, “Kamma-kamma anne sibilangngammi anruampulo taung umurukku siagang tenamo nakukkulle a'jari pamimping mae ri kau ngaseng. Pantaranganna anjo, le'ba'mi pole Nakana Batara mae ri nakke angkanaya takkullea' allimbangi Binanga Yordan.

PAMMILANGNGANG 27:17

Sitau akkullea a'jari panglima punna a'bundu' ke'nanga. Teaki' lappassangngi anne ummatTa sanrapang gimbala' tenaya pakalawakinna.”

1 KARAENG-KARAENG 3:7

O Batara, Allata'alaku, Kiangkaka' a'jari karaeng ansambeangi manggeku, manna kurungka dudu ija siagang takuassengapi angkanaya antekamma carana ammarenta.

LUKAS 1:2

Sikamma apa le'baka nicarita mae ri katte, battu ri tau le'baka anciniki anjo kajarianga battu ri pakkaramulanna, yangaseng minjo natulisi' ke'nanga, nampa napa'la'bang kabara'na.

LUKAS 24:3

Antama'mi na naparessa ke'nanga anjo jeraka, mingka tenami nacini' maya'Na Isa.