LAMPA-LAMPANA 1:1 - KITTA' MATANGKASA'

¹ Natarimai Teofilus, mabaji' pa'maika, Le'ba'mi kupakasingara' lalang ri kitta' makase'rea, sikamma apa le'baka Nagaukang siagang Napangngajarrang Isa, pakkaramula ri uru-uru Nagaukanna jama-jamanNa,

LAMPA-LAMPANA 1:1 Referans Kwoze

LUKAS 1:3

Le'ba' ngasemmi kupilajari baji'-baji' battu ri pakkaramulanna sikamma anjo apa le'baka kajariang. Jari kupikkiriki angkanaya, bajiki punna kupannulisangki' se're laporang nisusung bajika ri passala'na sikamma anjo apa-apa le'baka kajariang.

LUKAS 24:19

Akkuta'nammi Isa Nakana, “Kajariang apa?” Appialimi ke'nanga angkana, “Anjo apa kajarianga ri KalenNa Isa, battua ri Nazaret. Ia na'bi. Teai sipato' lompona koasaNa, baji' ri kana-kananNa, kammayatompa ri panggaukanNa – baji' ri dallekanNa Allata'ala, kammayatompa ri dallekanna sikamma rupataua.

LUKAS 3:23

Ri wattunna Napakkaramulamo jama-jamanNa Isa, kira-kira tallumpulo taungi umuru'Na. Manuru' panggappana taua iaminne pattottorang boe-boena Isa: Yusuf, Eli, Matat, Lewi, Malkhi, Yanai, Yusuf, Matica, Amos, Nahum, Hesli, Nagai, Maat, Matica, Simei, Yosekh, Yoda, Yohanan, Resa, Zerubabel, Sealtiel, Neri, Malkhi, Adi, Kosam, Elmadam, Er, Yesua, Eliezer, Yorim, Matat, Lewi, Simeon, Yehuda, Yusuf, Yonam, Elyakim, Melea, Mina, Matata, Natan, Daud, Isai, Obed, Boas, Salmon, Nahason, Aminadab, Admin, Arni, Hezron, Peres, Yehuda, Yakub, Ishak, Abraham, Terah, Nahor, Serug, Rehu, Peleg, Eber, Salmon, Kenan, Arpakhsad, Sem, Nuh, Lamekh, Metusalah, Henokh, Yared, Mahalaleel, Kenan, Enos, Set, Adam, ana'Na Allata'ala.

MATIUS 11:5

accini'mi tau butaya, a'jappami tau pesoka, a'jari baji'mi tau garring salaya, allangngere'mi tau tongoloka, attallasa' poleammi tau matea, kammayatompa nibirittakammi Kabara' Baji' battua ri Allata'ala mae ri tu kasi-asia.

LAMPA-LAMPANA 2:22

Sikamma sari'battangku tu Israelka! Pilangngeri anne apa kupaua: Anjo Isa, battua ri Nazaret, nisarei tugasa' ri Allata'ala untu' ikau ngaseng. A'nassa sikalimi anjo lalang ri gau'-gau' appakalannasa' siagang apa-apa tenaya narapiki akkala'nu, le'baka Nagaukang Allata'ala ri tangnga-tangnganu lalang ri KalenNa anjo Isa. Yangasenna anjo massing nuassemmi.

LUKAS 1:24

Tasalloai ribokoanganna, tianammi Elisabet, na nakurummo kalenna lalang ri balla' limambulang sallona.

LUKAS 14:22

Jari a'lampami anjo palayanga. Nale'ba'na nagaukang napassuroanga karaenna, nakanamo anjo palayanga ri anjo karaenga, ‘Le'ba'mi kukio' ngaseng anjo tau kipassuroanga karaeng, mingka jai iji pammempoang tena taunna.’