KOLOSE 4:5 - KITTA' MATANGKASA'

⁵ Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

KOLOSE 4:5 Referans Kwoze

1 TESALONIKA 4:12

Punna kamma ngaseng anjo batenu attallasa', tenamo nulatanjeng mae ri tau maraenga untu' katallassannu; siagang lanianggara' tommako ri tau tenayapa natappa' mae ri Almasi.

YAKOBUS 3:13

Punna nia' tau cara'de' siagang baji' ateka' ri tangnga-tangnganu, parallui napappicinikang katallassang bajika, nagaukangi apa-apa bajika, kammayatompa cara'deki na tuna pa'mai' ri katallassanna.

ROMA 16:19

Naasseng ngasemmi taua angkanaya tamalanreako mae ri pangngajarang Kabara' Baji' battua ri Allata'ala. Na sannammo pa'maikku mae ri kau ngaseng lanri anjo passalaka. Kuminasai sollannu cara'de' mae ri apa-apa bajika, na nudongo' mae ri apa-apa ja'dalaka.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

1 TIMOTIUS 3:7

Musti tau nipau bajika arenna lalang ri tangnga-tangngana tau jaia; nasaba' punna tena nakamma, gassingka lanihinaji ri taua, sa'genna tu'guru' antama' ri kalo'bang natannanga Billisika.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

MARKUS 4:11

Nakanamo Isa ri ke'nanga, “Le'ba' mako nisare pangngassengang sollanna nuasseng rahasiana angkanaya antekamma batena ammarenta Allata'ala. Mingka tau maraenga ammakepi pangngebarang punna niajara' ke'nanga,

YAKOBUS 1:5

Punna nia' tau ri kau ngaseng kurang pangngissengang, parallui nupappalakkang battu ri Allata'ala, sollanna nisare pangngissengang battu ri Allata'ala; nasaba' yangasenna taua akkullei Nasare Allata'ala lanri lammoro' pa'mai'Na, kammayatompa lanri pangngamaseanNa.

1 PETRUS 3:1

Kammaya todong ikau, sikamma tu bai'-bainea, musti mappilangngeriko mae ri bura'nennu. Sollanna punna nia' tau tena natappa' bura'nenna ri biritta battua ri Allata'ala, akkullemi a'jari tappa' lanri nacini'na panggaukannu. Siagang tena nuparallu a'bicara apa-apa mae ri ke'nanga,

PAMMUJI 90:12

Kipakaingaki ikambe antekamma bodona anne tallasaka sollanna a'jari tau tutu baji' ikambe.

DANIEL 2:8

Nalangngere'na anjo appialimi karaenga angkana, “Coco' sikali pakkapangku. Poro nupakala'bu-la'bunaji bawang caritaya, lanri nuassenna angkanaya