KOLOSE 4:10 - KITTA' MATANGKASA'

¹⁰ Aristarkhus, niaka kuagang anrinni ri tarungkua, akkiringi sallang mae ri kau ngaseng. Kammayatompa Markus, sampu sikalinna Barnabas. (Le'ba' mako nisare kabara' sollanna nuruppai siagang nutarima bajiki punna battu mae ri kau.)

KOLOSE 4:10 Referans Kwoze

FILEMON 1:24

Tarima tommi sallanna agangku ngaseng iamintu: Markus, Aristarkhus, Demas siagang Lukas.

2 TIMOTIUS 4:11

Lukas mami kuagang ammantang. Alle tongi Markus nanuerang mae anrinni, nasaba' akkullea' nabantu lalang ri jama-jamangku.

LAMPA-LAMPANA 19:29

A'la'bammi anjo karicuanga sa'genna ri sikontu kotaya. Nampa mangemi anjo kumpulanna tau apparicua anjakkalaki Gayus siagang Aristarkhus. Nasaba' iaminjo tau anrurungangi Paulus battu ri Makedonia lalang ri pa'lampanna. Nare'resammi ke'nanga anjo tau ruaya mange ri tampa' luara'na anjo kotaya.

LAMPA-LAMPANA 27:2

Nai' maki' ri kappalaka ri Adramitium nampa a'lampa maki' assombala'. Anjo kappalaka eroki assombala' mange ri sikamma palabuhang niaka ri daera Asia. Nia' tongi Aristarkhus angngagangki' irate ri anjo kappalaka. Anne Aristarkhus tau battu ri Makedonia.

LAMPA-LAMPANA 20:4

A'lampami siagang Sopater, ana'na Pirus battua ri Berea; nia' tommi amminawang Aristarkhus, Sekundus tu battu ri Tesalonika, siagang Gayus, tu Derbe. Kammayatompa Timotius, Tikhikus siagang Trofimus, battua ngaseng ri daera Asia.

LAMPA-LAMPANA 12:12

Naassennamo Petrus anjo passalaka, a'lampami Petrus mange ri balla'na Maria, amma'naya Yohanes, nigallaraka todong Markus. Anjoreng jai tau a'rappungang appala' doang.

1 PETRUS 5:13

Sikamma paranta anggota jama'ah ri Babilon, nipilea todong ri Allata'ala, akkiringi sallang mae ri kau ngaseng. Kammayatompa anakku Markus, sannaka kukarimangnginna, akkiring tongi sallang.

ROMA 16:7

Pabattu tongi sallangku mae ri Andronikus siagang Yunias. Anjo ke'nanga a'julu pa'rasangangi siagang a'julu bansai siagang inakke, kammayatompa le'baki ke'nanga nitarungku siagang inakke. Ri tenanapa kutappa' mae ri Almasi, rioloangammi ke'nanga tappa'. Masahoroki ke'nanga mae ri sikamma tunisuroNa Allata'ala.

ROMA 16:2

Tarimami anne sari'battanta, salaku kalase'renna umma'Na Batara. Kamma memang tomminjo batena tau tappaka mae ri Allata'ala musti massing sitarima. Tulungi punna nia' apa-apa naparalluang battu ri kau; nasaba' jai tommi le'ba' nabantu – kalase'renna tau le'baka nabantu iamintu inakke.

LAMPA-LAMPANA 13:13

Battu ri Pafos, assombala'mi Paulus siagang agang-aganna mange ri Perga, daera Pamfilia. Battuna mange anjoreng a'lampami Yohanes Markus ambokoi ke'nanga, ammotere' mange ri Yerusalem.

LAMPA-LAMPANA 4:36

Kamma tomminjo nagaukanga Yusuf, sossorang battu ri Lewi, battu ri Siprus, nigallaraka Barnabas (battuanna Panynyaleori) ri tunisuroNa Allata'ala. Nabalukang tommi tanana, nampa napassareang ballinna mae ri sikamma tunisuroNa Allata'ala.

LAMPA-LAMPANA 13:5

Ri wattunna battu ke'nanga mange ri Salamis, napabattumi ke'nanga kana-kananNa Allata'ala lalang ri sikamma balla' sambayanna tu Yahudia. Nibantumi ke'nanga ri Yohanes Markus lalang ri pa'jappanna ke'nanga.

LAMPA-LAMPANA 12:25

Le'ba'namo nagaukang jama-jamanna Barnabas siagang Saulus, a'lampami ke'nanga ambokoi Yerusalem. Naerang tommi ke'nanga Yohanes Markus.

FILEMON 1:23

Appikatui sallang Epafras, mae ri kau ngaseng. Nia' tongi anrinni lalang ri tarungkua siagang inakke passabakkang Isa Almasi.