KOLOSE 2:13 - KITTA' MATANGKASA'

¹³ Riolo, le'ba'mi mate katallassang rohaninu lanri dosanu, siagang lanri tenana nisunnakko ri lahere'nu. Mingka kamma-kamma anne nipabangung poleang mako ammotere' ri Allata'ala siagang Almasi. Le'ba'mi Napammopporang sikontu dosata,

KOLOSE 2:13 Referans Kwoze

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

ROMA 8:11

Punna niaki lalang ri kalennu RohNa Allata'ala, iamintu Roh ampattallasa' poleangai Almasi battu ri kamateanga, Ia tomminjo RohNa lampattallasaki tubunu akkullea mate.

2 KORINTUS 3:6

Iami assarei pakkulle ikambe a'jari palayang untu' parjanjiang berua; iamintu parjanjiang tatta'galaka ri RohNa Allata'ala, jari teai ri hukkung tattulisika. Nasaba' anjo tattulisika angngerangi kamateang, mingka anjo RohNa Allata'ala angngerangi katallassang.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.

2 KORINTUS 5:19

Ia biritta napabattua ikambe iamintu angkanaya Napa'jari assibajikimi Allata'ala rupataua mae ri KalenNa, tete ri Almasi. TaNabilangai sikontu kasalang le'baka nagaukang rupataua mae ri KalenNa. Na ikambemi Nasuro Allata'ala ambirittakangi anjo kabaraka.

EFESUS 2:11

Sikamma sari'battang, pantaranganna bansa Yahudia! U'rangi katallassannu wattu riolo; nigallarakko “tau tenaya nassunna'”, ri tu Yahudi nakanaya kalenna assunna' (battuanna anggappami pammatei ri kalenna, nipareka ri rupataua).

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

LUKAS 15:24

Nasaba' le'ba'mi mate anne anakku, mingka kamma-kamma anne attallasa' poleammi.’ Jari appakkaramulami ke'nanga assua'-suara'.

PAMMUJI 71:20

Kipitujuia' jai kapa'risang lompo, mingka iKatte lampoterangi kagassingangku siagang lampabangunga' ammotere' battu ri kuburuka.

YAKOBUS 2:26

Jari, sanrapang tubua punna tena rohna nikana matei, kammatommi anjo katappakkanga, punna tena na'nyata lalang ri panggaukanga nikanami mate anjo katappakkanga.

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

1 KORINTUS 15:45

Nia' tattulisi' lalang ri Kittaka angkanaya, “tau riolo dudua, iamintu Adam, a'jari tu mattallasa',” mingka ia Adam kala'busanga iamintu Roh assarea katallassang.

ROMA 6:13

Tea tongko passareangi tubunu mae ri kakoasanna dosaya nanipake anggaukangi kaja'dallanga. Passangalinna passareangi kalennu mae ri Allata'ala, a'jari tau le'bakamo nipalette' battu ri kamateanga mae ri katallassanga. Passareangi sikontu batangkalennu mae ri Allata'ala, sollanna nipakei anggaukangi ero'Na Allata'ala.

1 YOHANES 2:12

Kutulisiki anne suraka mae ri kau ngaseng ana'-anakku, nasaba' le'ba'mi nipammopporang dosa-dosanu lanri Almasi.

1 KORINTUS 15:36

Dongo' sikali anjo pakkuta'nanga! Punna a'lamungko bine naung ri buttaya, talattimboai anjo binea punna tamatea rolong anjo binea.

YOHANES 5:21

Anjo Manggea ampabangungi tau matea naNasare ke'nanga katallassang sitojennaya siagang mannannunganga; kammayatompa anjo Anaka assarei katallassang mannannungang tau eroka Nasare katallassang.

LUKAS 9:60

Appialimi Isa Nakana, “Lappassammi tau matea antarawangi tau matena. Mingka ikau, a'lampamako siagang pa'la'bammi birittaya, angkanaya appakkaramulami Allata'ala ammarenta.”

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

PAMMUJI 119:50

Iaminne ansaleoria' lalang ri pa'risikku, angkanaya anjo janjinTa assarea' tallasa'.

IBRANI 6:1

Lanri kammana, mae mako nakimaju ri pappilajarang-pappilajarang ribokoangannaya pole, iamintu ri passala'na kajarrekanna katallassang Karistenga. Teako tuli poko' pangngajarang rioloa bawang nuparhatikang. Tea' maki' ammoteri pole mange ri pappilajarang uru-urua, iamintu angkanaya musti ammari taua anggaukangi apa-apa tenaya matu-matunna, siagang musti tappakki' mae ri Allata'ala;

1 TIMOTIUS 5:6

Mingka ia janda nangaia assannang-sannang lalang ri katallassanna, sikontutojenna matemi manna pole nattallasa' ija nicini'.

ROMA 4:17

Nasaba' kammaminne kananNa Allata'ala mae ri Abraham, “Kupa'jari mako bapa'na jaia bansa ri lino.” Kammaminjo bateNa Allata'ala assarei janji Abraham. Natappa'mo Abraham mae ri Ia. Iami Allata'ala ampattallasa' poleangai ammotere' tau matea; Ia tommi Allata'ala poro akkanayaji bawang nakkullemo Napa'jari nia' apa-apa tenaya nale'ba' nia'.

YOHANES 6:63

Assareai katallassang rupataua iamintu RohNa Allata'ala. Tena matu-matunna kagassinganna rupataua. Kana-kana Kupabattua ri kau ngaseng iamintu kana-kana RohNa Allata'ala, assarea katallassang.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

YESAYA 1:18

Nakana Batara, “Umba nanipa'le'ba' anne parkaraya. Manna pole nule'leng kamma uring napakamma dosa-dosanu, laKubissaiko sa'gennu a'jari kebo' sangkamma kapasa'. Manna pole najai siagang battala' dosa-dosanu, mingka laKupammopporang ngasengi.

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

YAKOBUS 2:17

Kammatommi anjo ri katappakkanga; punna tena nanipa'nyatai lalang ri panggaukanga, tena matu-matunna anjo katappakkanga.

1 TIMOTIUS 6:13

Na kamma-kamma anne, ri dallekanNa Allata'ala assarea nyawa sikontu apa-apa attallasaka kammayatompa ri dallekanNa Isa Almasi assarea kasa'biang tojeng mae ri Pontius Pilatus, iaminne kuparentakanga mae ri kau:

PAMMUJI 32:1

Pammujina Daud. Kelong pangngajarang. Mate'nei taua ia nipammopporanga dosana, nikaluppaia kasalanna.

KOLOSE 2:12

Nasaba' ri wattunnu nije'ne', iaminjo a'jari pammatei angkanaya nitarawang mako siagang Almasi; siagang iatommi anjo pa'je'neka a'jari pammatei angkanaya nibangung poleang todong mako battu ri kamateanga siagang Almasi, lanri tappa'nu ri koasaNa Allata'ala, ampabangung poleangai Almasi battu ri kamateanga.