KOLOSE 2:1 - KITTA' MATANGKASA'

¹ Kukellai sollanna nuasseng antekamma heba'na usaha kugaukanga untu' ikau siagang untu' tau niaka ri pa'rasangang Laodikia, kammayatompa sikamma tau tenayapa naasseng bajikka'.

KOLOSE 2:1 Referans Kwoze

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

FILIPI 1:30

Kamma-kamma anne amminawang ngaseng tongko siagang inakke lalang anne se'rea jama-jamang; iamintu jama-jamang le'baka nucini' kugaukang riolo, siagang kugaukanga ija sa'genna ri kamma-kammaya anne, kamma nulangngereka kamma-kamma anne.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

LAMPA-LAMPANA 20:38

Sanna' ngaseng si'nana atinna ke'nanga, la'biangampa lanri nakanana Paulus angkanaya talasicinikami ke'nanga. Naantara'mi ke'nanga Paulus sa'genna nai' ri kappalaka.

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

KOLOSE 2:5

Nasaba' manna pole nakisikabellai, mingka nyawaku tuli niaki ri tangnga-tangnganu. Na sanna' rannuku ancinikko a'julu ati siagang majarre' tappa' mae ri Isa Almasi.

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

LAMPA-LAMPANA 20:25

Le'ba' ngaseng mako massing kukunjungi, siagang le'ba' ngaseng tommi kupabattu mae ri kau ri passala'na Allata'ala siagang PamarentahanNa. Kamma-kamma anne nia'mi ri pakkasiakku angkanaya iaminne kala'busangku assicini' siagang ikau ngaseng.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.

PA'JARIANG 30:8

Nakanamo Rahel, “Usahama' sipakkulle-kulleku angngewai daengku, nakuammetamo.” Jari naaremmi anjo anaka Naftali.