KOLOSE 1:18 - KITTA' MATANGKASA'

¹⁸ Iami a'jari ulu mae ri KalenNa, iamintu jama'aka; lanri Iami assarei katallassang anjo jama'aka. Iami a'jari ana' bungasa', uru-uru nipattallasa' poleanga ammotere' battu ri kamateanga; sollanna Ia mami bawang a'jari kaminang parallu ilalang ri sikontu katallassanga.

KOLOSE 1:18 Referans Kwoze

PAPPICINI' 1:5

siagang battu ri Isa Almasi, sa'bi tamamminraya. Iami uru-uru nipattallasa' poleanga ammotere' battu ri kamateanga siagang Iami makoasaya irateanganna sikamma karaeng niaka ri lino. Nakamaseangki' Isa, siagang lanri kamateanNa naNapata'lappasa' maki' battu ri dosa-dosata ngaseng.

LAMPA-LAMPANA 26:23

iamintu angkanaya musti sessai anjo Karaeng Mappasalama' le'baka Napa'janjiang Allata'ala, siagang Iami la'jari tau uru-uru attallasaka ammotere' battu ri kamateanga. Sollanna lanri kammana anjo, akkullemi Napabattu kasalamakkanga, baji' namae ri tu Yahudia, kammayatompa mae ri bansa-bansa maraenga.”

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

PAMMUJI 89:27

Lanakana ri Nakke, ‘IKattemi Manggeku, Allata'alaku, Pa'la'langangku siagang Tumappasalamakku.’

1 KORINTUS 11:3

Mingka nia' ija se're passala' kukellai nuasseng, iamintu angkanaya Almasi a'jari sanrapang ulu mae ri sikontu bura'-bura'nea; kammayatompa bura'nea a'jari sanrapang ulu mae ri massing tu bai'-bainena, kammayatompa pole Allata'ala a'jari sanrapang ulu mae ri Almasi.

PAPPICINI' 22:13

INakkemi uru-urua siagang kala'busanga; iNakkemi Batara battu ri Pakaramulaya sa'genna Kala'busanga.”

EFESUS 5:23

Nasaba' anjo bura'nea iami kapala mae ri bainenna, sangkamma Almasi a'jari kapala mae ri jama'aka; kammayatompa Ia tommi a'jari Karaeng Mappasalama' mae ri jama'aka, a'jaria TubuNa.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

1 KORINTUS 15:25

Musti ammarenta tuli Almasi sa'genna nipasomba ngaseng ri Allata'ala sikontu musunNa Almasi ri dallekanNa Almasi.

PAPPICINI' 11:15

Nampa napasa'ra tarompe'na malaeka' makatujua; na nia'mo nilangngere' ri suruga sa'ra-sa'ra sannaka lompona, angkanaya, “Kamma-kamma anne nia'mi lalang limanNa Batarata siagang Karaeng Mappasalama' Napa'janjianga kakoasanga untu' ammarenta ri anne linoa, iamintu Karaeng Mappasalama' Napa'janjianga. Lammarentai sa'genna satunggu-tungguna!”

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

PAPPICINI' 1:8

“INakkemi uru-urua, siagang iNakkemi kala'busanga,” kammami anjo kananNa Karaeng Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna, Ia Kaminang Makoasaya.

KOLOSE 1:24

Kamma-kamma anne sannammi pa'maikku angkasiaki pa'risika untu' kaparalluannu. Nasaba' lanri kapa'risang nakasiaka tubuku, kupa'ganna'mi kasessang mustia Nakasia' Almasi untu' jama'aNa, iamintu tubuNa.

EFESUS 1:10

Anjo eroka Nagaukang, iamintu, sollanna sikontu linoa, baji' na niaka ri suruga yareka na niaka ri buttaya, a'jari se're ngasengi lalang ri Almasi, a'jaria kapala. Na punna narapi'mi wattunna, laNapa'le'ba'mi Allata'ala anjo jama-jamanga.

YOHANES 1:27

Ia battu ri bokoangangku, mingka manna alla'gasiangi passikko' sapatuNa tena todong nakusiratang.”

YOHANES 1:16

Lompoi ri pangngamaseang; tena le'bakai ammari, assare barakka' ri katte.

YOHANES 1:1

Ri pakaramulana, ri tenanapa nipa'jari linoa, nia' memammi Kanaya. Nia'mi anjo Kanaya siagang Allata'ala na anjo Kanaya iatonji Allata'ala.

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.

1 YOHANES 1:1

Ia bonena anne kittaka, iamintu passala'na Kana attallasaka, iamintu Kana niaka memammo battu ri pakkaramulanna. Le'ba'mi nalangngere' siagang nacini' mata kalenna ikambe. Le'ba'mi nacini' siagang nata'gala' limanna ikambe.

ROMA 8:29

Sikamma tau le'baka Napile Allata'ala, le'ba' tommi nipattantu battu ri uru-uru memang untu' a'jari sangkamma ana'Na, iamintu Isa Almasi. Lanri kammana, iaminjo Isa Almasi a'jari ana' bungasa' mae ri sikamma sari'battanna ngaseng.

MATIUS 23:8

Mingka ikau ngaseng teako eroki nikio' ‘Bapa' Guru’, nasaba' se'reji Gurunnu, na ikau assari'battang ngasengko.

YESAYA 52:13

Nakana Batara, “Sikontutojenna la'jari apa nagaukanga atangKu; lanipakalompoi siagang lanipakatinggi.

KELONG MALA'BIRI' 5:10

Tanringku ga'gai siagang gammaraki, ia kaminang pore ri sampulo sa'bu tau.

1 KORINTUS 12:27

Ikau ngasemmi antu sanrapang tubuNa Almasi siagang ikau ngaseng tommi antu sanrapang anggota-anggotana anjo tubua.

KOLOSE 2:19

sa'genna tenamo natanjeng ke'nanga mae ri Almasi, a'jaria kapala mae ri ke'nanga. Irawangang pimpinanNa Almasi, sikontu tubua niparakai siagang nipa'jari se're ri passisambung-sambunganna, kammayatompa a'bakka' situru' ero'Na Allata'ala.