KOLOSE 1:12 - KITTA' MATANGKASA'

¹² kammayatompa appala' sukkuru' mae ri Manggea. Nasaba' iaminjo Manggea ampa'jari siratangko antarimai apa le'baka Napasadia Allata'ala untu' umma'Na lalang ri kakaraengang singaraka.

KOLOSE 1:12 Referans Kwoze

LAMPA-LAMPANA 20:32

Kamma-kamma anne kupassareang mako mae ri Allata'ala, naporo Iami amparakai ngasengko, siagang nuporo anna'gala' jarre' ngaseng mae ri anjo kabara' pangngamaseanNa Allata'ala. Koasai Allata'ala ampakajarrekko siagang assareko barakka'-barakka'Na, le'baka Napasadia untu' sikontu umma'Na.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

EFESUS 1:18

Kupalaki ri Allata'ala sollanna Nasungke pikkirannu, sa'genna a'jari singara'; sollanna akkulle nupahang apa akkullea nurannuang battu ri Allata'ala, le'baka angkiokko. Kammayatompa sollanna nuasseng todong antekamma alla'bi-la'bina barakka' baji'Na Allata'ala, le'baka Napasadia untu' umma'Na;

LAMPA-LAMPANA 26:18

untu' ansungkeangi matanna ke'nanga, sollanna akkulle assulu' ke'nanga battu ri sassanga nampa antama' ri singaraka; sollanna ta'lappasa' ke'nanga battu ri pangngajara' salana Billisika, nampa nikoasai ke'nanga ri Allata'ala. Na lanri tappa'na ke'nanga mae ri Nakke, naKupammopporammo dosa-dosana siagang la'jarimi ke'nanga umma'Na Allata'ala nipilea.’ ”

EFESUS 3:6

Iaminne anjo rahasiaya: Passabakkang anjo Kabara' Bajika, para anggappami barakka'-barakka'Na Allata'ala bansa maraenga, siagang bansa Yahudia, iamintu barakka'-barakka' le'baka Napasadia Allata'ala; para a'jarimi ke'nanga anggota battu lalang ri tubu sangkammaya, siagang para natarima tommi ke'nanga apa Napa'janjianga Allata'ala tete ri Isa Almasi.

2 KORINTUS 5:5

NaKalenNa Allata'ala ampasadiaki', siagang Iami assareki' RohNa a'jari pammatei pannanggonginNa ri katte.

ROMA 8:17

Jari punna a'jari maki' ana'-ana'Na, ma'nassa a'jari tommaki' warisi'Na, lantarimayai sikamma barakka' le'baka Napasadia Allata'ala untu' ana'-ana'Na. Lannarimaki' siagang Isa apa le'baka Napasadia Allata'ala untu' Isa; nasaba' punna sikapa'risangki' siagang Almasi, lasiagang tommaki' Almasi nipakala'biri'.

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

YOHANES 14:6

Appialimi Isa Nakana, “INakkemi oloanga untu' angngassengi Allata'ala, siagang untu' anggappai katallassanga. Tenanniakka tau akkulle battu mae ri Manggea punna tena nangngolo ri Nakke.

PAPPICINI' 21:23

Tena naparallu nasiori mataallo yareka bulang anjo kotaya, lanri nisiorimi ri kala'biranNa Allata'ala, siagang Iaminjo Ana' Gimbalaka a'jari lampunna.

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

KOLOSE 2:2

Nakugaukang ngaseng anne sikammaya, lanri kukellaina a'jari jarre' pa'mai'na ke'nanga siagang namassing sikamaseang, sollanna pila' majarre' ke'nanga a'jari se're. Jari pila' napahang tojemmi ke'nanga na'jari tappa' sa'genna naasseng rahasia battua ri Allata'ala, iamintu KalenNa Isa Almasi.

EFESUS 5:20

Lalang ri apa-apa mamo, paralluko tuli appala' sukkuru' mae ri Allata'ala Manggea, lalang arenNa Isa Almasi, Batarata.

1 KORINTUS 8:6

Mingka untu' ikatte, se'reji bawang Allata'ala. Iami Manggeta, ampa'jariai sikontu apa niaka. Untu' Iami nakiattallasa'. Kammayatompa se'reji Batara, iamintu Isa Almasi. Tete ri Iami nanipa'jari sikontu apa niaka, kammayatompa lanri Iami nakiattallasa'.

ROMA 15:27

Kammami anjo le'baka natappuki ke'nanga siagang te'ne pa'mai'. Nasaba' sikontutojenna siratang memang tongi ke'nanga antulungi sikamma sari'battang kasi-asi niaka ri Yerusalem; nasaba' battu anjoremmi ri bansa Yahudia anggappa bansa-bansa maraenga sikamma barakka'Na Allata'ala. Jari, siratang tongi anjo bansa-bansa maraenga antulungi bansa Yahudia siagang barakka' pa'barang-barangang.

PANGNGEBARANG 16:1

Rupataua akkullei appare' rancana, mingka Allata'ala assare kaputusang.

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

YAKOBUS 3:9

Akkullei nipake untu' appala' sukkuru' mae ri Batara siagang Manggeta; mingka akkulle tongi nipake untu' ampakkanai paranta tau, le'baka Napa'jari Allata'ala situru' rupanNa.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

EFESUS 5:4

Tena todong nasiratang nucarita nikanaya carita-carita gau' bawang, yareka bicara ra'masaka, yareka a'bicara bonga-bonga tenaya nasiratang. Mingka paralluko appala' sukkuru' mae ri Allata'ala.

EFESUS 4:6

siagang se'reji Allata'ala a'jari Manggea mae ri sikontu rupataua. Iami Batara makoasa mae ri sikontu linoa, anggaukangai sikontu jama-jamanga, siagang makoasaya mae ri sikontu apa niaka lalang lino.

1 KORINTUS 9:23

Iaji nakugaukang ngaseng sikammaya anjo, sollanna akkulle kupa'la'bang Kabara' Baji' battua ri Allata'ala, kammayatompa sollanna kunibarakkaki todong.

ROMA 11:17

Anjo tangke-tangkenna poko' zaitunga – iamintu pangngebaranna tu Yahudia – le'ba'mi nitoto sipa'rua. Nampa anjoreng ri bate le'baka nitoto nipaccangkokimi tangke poko' zaitun tenaya niparakai, iamintu pangngebaranna ikau bansa maraenga. Nipacangko' mako mae anjoreng sollanna nukasia' sikamma kabajikang battua ri katallassang rohanina tu Yahudia.

ROMA 9:23

Mingka ero' tongi ampappicinikangi mae ri katte kate'neang masukkuka, ia Napassareanga mae ri katte tau Nakamaseanga. Kamma-kamma anne Napasadia maki' untu' antarimai anjo kate'neanga.

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

YOHANES 4:23

Mingka lanarapiki wattunna, ba'lalo narapi'mi wattunna, angkanaya lanri koasaNa RohNa Allata'ala nalanynyomba taua ri Manggea salaku Allata'ala matojenga situru' Nakaerokanga Manggea.

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

DANIEL 2:23

O, Allata'ala napakalompoa boe-boeku, iKattemi kupuji siagang kupakala'biri'. Nasaba' Kisarea' kacara'dekang siagang kagassingang. Kiturukianga' pappalakku. Siagang Kipicinikiamma' pappialia mae ri karaenga.”

PAMMUJI 116:7

Kupakasannangi pa'maikku, saba' bajiki Batara mae ri nakke.

PAMMUJI 97:11

Ammumbami singaraka mae ri tau tulusuka pa'mai'na, siagang karannuanga mae ri tau lambusuka.

PAMMUJI 79:13

Nampa ikambe ummatTa, gimbala' Kikalawakia, lappala' sukkuruki mae ri Katte sa'genna satunggu-tungguna, siagang mammuji mae ri Katte lalang sikontu turungang.

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

1 KARAENG-KARAENG 6:7

Untu' anjo balo'-baloka, kayu camara Libanon nipake. Pakke'bu' mangea ri kamara'-kamara' pannambai ri lonjo' rawaya niaki ri bageang timborang. Untu' lonjo' makaruaya nia' tallu tuka'. Nampa nasarei Salomo palapong anjo ballaka. Papang cenrana battu ri Libanon napake. Siapa sallona nibangung anjo Balla'Na Batara, tena le'bakai nia' kalangngerang sa'ra palu-palu, pangkulu', yareka pakkakasa' bassi, nasaba' anjo batu-batu eroka nipake untu' ambangungi anjo ballaka le'ba' nipasadia memammi la'bi riolo ri wattunna nia' ija ri papparekanna. Kammaminjo batena Salomo ambangungi anjo Balla'Na Batara sa'genna le'ba'.

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

PAPPICINI' 22:5

Tenamo nalaparallu ke'nanga ri lampu yareka ri singara'na mataalloa, nasaba' latenamo bangngi kammayatompa nasaba' KalenNami Karaeng Allata'ala lansingari ke'nanga. Nalammarentamo ke'nanga, a'jari karaeng sa'genna satunggu-tungguna.

1 YOHANES 1:3

Apa le'baka nacini' siagang nalangngere' ikambe, ia tomminjo nabirittakang ikambe mae ri kau ngaseng; sollannu amminawang todong siagang ikambe ampa'nyatai katallassang assiamaka, asse'rea siagang Manggea, kammayatompa asse're siagang Ana'Na iamintu Isa Almasi.

1 PETRUS 5:1

Kupalaki mae ri pamimping jama'ah niaka ri tangnga-tangnganu, sollanna naparhatikang anne. Inakke, parannu pamimping jama'ah, antulisiki anne suraka; kalengku le'ba' anciniki kasessanNa Almasi. Na punna nipa'nyatamo kala'biranNa mae ri rupataua, lamminawang tonga' nipakala'biri'. Kupala' tojeng-tojengi mae ri kau ngaseng,

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

2 KORINTUS 11:14

Takkulleaki' lannasa' punna appakamma anjo ke'nanga, nasaba' manna Billisika ammakeang kamma tonji malaeka' singaraka!

EFESUS 2:18

Tete ri Almasi, siagang lanri RohNa Allata'ala se'rea, akkulle maki' a'reppese' mae ri Manggea, baji' na tu Yahudi yareka bansa maraenga.

EFESUS 5:8

Ikau riolo niakko lalang ri sassanga. Kamma-kamma anne a'jari mako umma'Na Batara; jari nia' mako lalang ri singaraka. Lanri kammana, musti attallasakko lalang singaraka.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (