KELONG MALA'BIRI' 8:8 - KITTA' MATANGKASA'

⁸ Nia' sitau baine andi'na ikambe ca'di iji susunna. Apa musti nagaukang ikambe mae ri ia punna nia' battu ampassuroi?

KELONG MALA'BIRI' 8:8 Referans Kwoze

1 PETRUS 2:12

Musti sannaki nubajikinna panggaukannu ri tangnga-tangngana tau tenaya naassengi Batara. Sollanna punna napitinako ke'nanga angkana tau ja'dalakko, mingka musti napakkontutojengi panggaukang-panggaukang baji'nu; sa'genna lanapuji sallang ke'nanga Allata'ala, ri allo kabattuanNa.

PAMMUJI 2:8

Palaki, naKupassareang sikontu bansaya ri kau, sikontu buttaya Kupa'jari ikau pata.

LAMPA-LAMPANA 22:21

Mingka Nakanamo pole Batara mae ri nakke, ‘A'lampamako, nasaba' laKusuroko a'lampa mange ri tampa'-tampa' bellaya, mange ri bansa-bansa maraenga.’ ”

LAMPA-LAMPANA 16:9

Ri wattunna bangngi ri Troas, nabattuimi Paulus pappiso'na. Lalang pappiso'nana, nia' nacini' se're tau battu ri daera Makedonia ammenteng ri dallekanna. Napala' dudumi anjo taua sollanna a'lampa Paulus mange ri Makedonia antulungi ke'nanga.

LAMPA-LAMPANA 10:1

Anjoreng ri Kaisarea, nia' sitau bura'ne niarenga Kornelius. Jama-jamanna, iamintu kapiteng ri “Pasukang Italia”.

LAMPA-LAMPANA 7:38

Musa tommi niaka ri tangnga-tangngana bansa Israel ri parang kassika, a'jaria tetena malaeka' naaganga a'bicara ri Bulu' Sinai siagang boe-boeta. Iami antarimayai battu ri Allata'ala kabara' katallassanga eroka nipabattu mae ri katte.

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

LUKAS 19:44

Lanaancurukko siagang sikontu bonenu; na tenanniakka manna sibatu batu tela lanakellai ammantang tassusung ri tampa'na, lanri tenana nanujampangi ri wattunna battu Allata'ala untu' ampasalamakko!”

YEHEZKIEL 23:33

Cangkiri'na daennu iamintu Samaria, kamallakkang siagang kaancurang bonena. Le'baki nuinung sikontu bonena lanasa'ringko nusessa. Na battu ri reppe'-reppe'na anjo cangkirika lanukere'-kere' barambannu. INakke, Batara Kaminang Tinggia, anne akkana.”

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

YEHEZKIEL 16:46

Daennu iamintu Samaria ri bageang wara' siagang sikontu desana. Siagang andi'nu iamintu kota Sodom ri bageang timboro' siagang sikontu desana.

YEHEZKIEL 16:7

AngngalleA' je'ne' nampa Kubissai ceraka ri kalennu. Kusossoroki bukkulennu siagang minynya' zaitun. Kupakalompoko sanrapang lamung-lamung copponga. Longkoroki pattimbonu, sehakko siagang tinggiko, siagang a'jariko rapang se're baine lolo. Appakkaramulai attimbo susunnu siagang la'bui uu'nu, mingka assolarakko. Ri wattungKu allalo poleang, Kucini'mi angkanaya narapi'mi wattunnu untu' a'bayuang. Kuka'rangi jubaKu mae ri kalennu assolaraka siagang Kupa'janjiammi pangngaingKu mae ri kau. Iyo, appare'Ma' kana passikko' janji angkanaya laKubuntingiko, siagang iNakke lampatangko. INakke, Batara Kaminang Tinggia, anne akkana.

YESAYA 49:6

Nakana Batara ri nakke, “He atangKu, attayangi tugasa' lompoanganga ri kau; tena nanupoterang bawang sesa turunganna Yakub siagang nupoterang kalompoanna suku-suku Israel, mingka Kupa'jari tongko singara' mae ri bansa-bansaya, sollanna nipasalama' sikontu bonena linoa.”

KELONG MALA'BIRI' 8:10

Inakke anne rapanga' se're tembo', na susungku rapang a'jari menarana. Naassengi tanringku angkana punna niakka' ri ia lamate'nei pakkasiakku.

KELONG MALA'BIRI' 7:3

Susunna rapangi rua ana' jonga, kijang akkambara' ruaya.

KELONG MALA'BIRI' 4:5

Susunnu rapangi rua ana' jonga, ana' kijang akkambara' sitabanga angnganre ruku' ri alla'na bunga-bunga bakunga.

KELONG MALA'BIRI' 8:9

Ebara' angkana ia se're tembo', lambangungi ikambe menara pera' irateanna. Ebara' angkana sanrapangi pakke'bu' lompo lanajoli kambe siagang balo' kayu camara.