KELONG MALA'BIRI' 8:11 - KITTA' MATANGKASA'

¹¹ Nia' koko anggoro'na Salomo ri Baal-Hamon; anjo kokoa napassareangi mae ri pajagaya. Massing a'bayaraki sisa'bu doe' pera' untu' wassele'na

KELONG MALA'BIRI' 8:11 Referans Kwoze

KATO'BA 2:4

Sikamma jama-jamang lompoa le'ba'mi kugaukang. Ambangunga' siapa jaina balla' untu' kalengku. Appareka' pa'lamung-lamungang bunga siagang koko-koko kulamungia poko' anggoro' siagang sangka' rupa poko' rappo-rappoang.

YESAYA 7:23

Anjo wattua sikamma koko anggoro' massing nilamungia tassisa'bu poko' anggoro' siagang nianggaraka sisa'bu doe' pera', lanitimboi ri romang katinting.

MARKUS 12:1

Nampa appakkaramulami Isa a'bicara pangngebarang mae ri anjo imang-imang kapalaya, guru-guru agamaya kammayatompa pamimping-pamimpinna tu Yahudia. Nakana Isa, “Nia' se're tau a'lamung anggoro' ri kokoa, nampa nakalli' ri tammulilina. Le'baki anjo angngekemi kali'bong eroka napake ammacco' je'ne' anggoro'. Nampa appare' balla' pakkammikang. Le'baki anjo napappitesangammi anjo koko anggoroka mae ri siapa are pajama koko, nampa a'lampa ri se'reang pa'rasangang maraeng.

KELONG MALA'BIRI' 7:12

Umba ki'lampa bari'basa' mange ri kokoa, anciniki gassingka a'rappo ca'dimi poko' anggoroka, yareka ta'bakkara'mi bunganna; gassingka a'bungami poko' delimaya. Anjoreng lakusareko tanringku.

KELONG MALA'BIRI' 1:6

Teako parhatikangngi bukkuleng le'lengku, lanri nitaba' ri bambang allo. Larro ngasengi sikamma daengku ri nakke, kunasuro anjama ri koko anggoro'; tena kusawe angngurusuki kalengku.

PA'JARIANG 20:16

Nampa nakana ri Sara, “Le'baki kusare daennu sisa'bu doe' pera' a'jari butti mae ri sikontu taua angkanaya ikau tena tojeng-tojeng nusala.”

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

KELONG MALA'BIRI' 8:12

nampa anggappa ruambilangngang untu' sawala' posona. Boli'mi anjo doeka untu' ikau, Salomo, siagang untu' sikamma pajaga kokonnu. Mingka koko anggorokku, kalengku pata, niaki ri dallekangku.