KELONG MALA'BIRI' 7:13 - KITTA' MATANGKASA'

¹³ Aka' poko' kayu mabau' rasanna, ri ampi' pakke'butta nia' rappo-rappo kayu nyamang, salloamo siagang berua le'ba' niallena; kuboliki anjo untu' ikau, tanringku.

KELONG MALA'BIRI' 7:13 Referans Kwoze

PA'JARIANG 30:14

Ri wattu pakkattoang gandung, a'lampai Ruben mae ri paranga, nanggappamo sirupa ruku' akkullea nipare' pa'balle, nampa naerammo anjo mae ri amma'na, Lea. Nakanamo Rahel ri Lea, “Sare tonga' sike'de' anjo ruku' pa'balle nagappaya ana'nu.”

MATIUS 13:52

Jari Nakanamo Isa, “Lanri kammana minjo na anjo sikamma guru agama a'jariamo umma'Na Allata'ala, sanrapangi patanna balla' ampasuluka ngasengi barang-barang beruna siagang barang-barang sallona battu ri pammolikang barang-baranna.”

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

KOLOSE 3:17

Sikontu apa nugaukanga yareka nupaua, musti nugaukangi siagang nupaui lalang arenNa Batara Isa. Appala' sukkurukko mae ri Allata'ala Manggea lanri apa le'baka Nagaukang Isa untu' ikau.

FILIPI 1:11

Lakala'biang mako ri sikamma panggaukang bajika; iamintu jama-jamang KalenNaya bawang Isa akkulle anggaukangi; naporo nipakala'biri'mo siagang nipuji-pujimo Allata'ala.

EFESUS 5:9

Nasaba' battu ri iaminjo singaraka ammumba sikontu gau' bajika siagang gau' annabaya ri dallekanNa Allata'ala.

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

1 KORINTUS 2:9

Mingka sangkamma apa tattulisika lalang ri Kittaka angkanaya, “Apa tenaya nale'ba' nacini' yareka nalangngere' rupataua, kammayatompa tenaya nale'ba' ammumba lalang ri pikkiranna rupataua, iaminjo Napasadia Allata'ala untu' tau mangngamaseanga ri Ia.”

YOHANES 15:8

Punna jai rapponnu, nipakala'biriki ManggeKu; na lanri kammana minjo nu'jari tojeng-tojemmo ana'-ana' gurungKu.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

KELONG MALA'BIRI' 4:16

Ambangungko, he anging battu waraka, battuko mae, he anging battu timboro'! Ammirikko ri kokongku, lappassammi a'rasa kabaukanna. Dasi-dasi nabattu tanringku mae ri kokonna, na nakanre rappo-rappo nyamanga.

KELONG MALA'BIRI' 4:13

Anjorengi attimbo poko'-poko' delimaya, siagang rappo-rappoang kaminang nyamanga. Bunga pacara' siagang narwastu,

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

KELONG MALA'BIRI' 8:1

Ah, ebara' angkana assari'battang tangkakki', le'baka anynyusu ri ammakku, mattantu kubauko punna kugappako ri aganga, tena tau langhina'.

KELONG MALA'BIRI' 6:11

Battua' mae ri koko kenari, accini' bunga-bunga ri ka'bung; gassingka a'bungami poko' anggoroka, siagang poko' delimaya kamma todong.