KELONG MALA'BIRI' 5:10 - KITTA' MATANGKASA'

¹⁰ Tanringku ga'gai siagang gammaraki, ia kaminang pore ri sampulo sa'bu tau.

KELONG MALA'BIRI' 5:10 Referans Kwoze

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PAMMUJI 45:17

Ikau, karaengku, langgappako jai ana' bura'ne untu' angngempoi empoang kala'biranna boe-boeta. Nupa'jari ke'nanga tau koasa mae ri sikontu linoa.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

KOLOSE 1:18

Iami a'jari ulu mae ri KalenNa, iamintu jama'aka; lanri Iami assarei katallassang anjo jama'aka. Iami a'jari ana' bungasa', uru-uru nipattallasa' poleanga ammotere' battu ri kamateanga; sollanna Ia mami bawang a'jari kaminang parallu ilalang ri sikontu katallassanga.

ROMA 9:5

Iami ke'nanga sossoranna boe-boeta. Battu ri bansanami ke'nanga assala' kabattuanNa Almasi, ri wattu battuNa a'jari ma'rupatau ri lino. Iami kaminang mala'biri' ri sikontuna taua. Nipujimi Allata'ala satunggu-tungguna! Aming.

KELONG MALA'BIRI' 2:1

Inakke poro bunga rosija' battu ri Saron, rapang bunga bakung niaka ri ka'bung.

1 SAMUEL 16:12

Nampa nasuromo Isai mae angkioki anjo anaka. Niassemmi angkanaya anjo anaka se're turungka gammara' siagang bajiki kalenna, siagang ga'gai matanna. Nampa Nakanamo Batara ri Samuel, “Iaminne taunna. Minynyakimi na nuangka'!”

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

YESAYA 66:19

LammoliKa' se're pammatei ri tangnga-tangngana ke'nanga. Sike'de'ji battu ri ke'nanga laKupasalama'. LaKusuroi ke'nanga mange ri bansa-bansa niaka ri sikamma pa'rasangang bellaya, tenayapa nalangngereki kabarakKu yareka tenayapa naciniki kala'birangKu siagang koasaKu: mange ri Tarsis, Libia, siagang Lidia siagang sikamma tucara'de'na ammana, mange ri Tubal siagang Yunani. Lanakabarrangi ke'nanga kalompoangKu ri alla'na anjo bansa-bansaya.

YESAYA 59:19

KoasaNa siagang kala'biranNa lanakamallakkangi sikontu taua battu raya sa'genna kalau'. Labattui rapang binanga sarringa lo'loro'na, nipammarrunga ri anging kancang.

YESAYA 10:18

Sikamma romang lompoa siagang sikamma koko copponga buttana ri pa'rasangang Asyur lanipaccappu' taba sikali, sanrapang tau garring ta'ronang-ronanga sa'genna mate.

PIRAUNG 4:7

Riolo pamimping-pamimpinna ikambe ci'nongi keboki kontu kapasa' matangkasaka. Mingka kassaki na gassing, akkamalei na tena garrinna.