KELONG MALA'BIRI' 5:1 - KITTA' MATANGKASA'

¹ Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

KELONG MALA'BIRI' 5:1 Referans Kwoze

KELONG MALA'BIRI' 6:2

Tanringku mangei ri kokonna, ri koko rampa-rampana untu' angkalawaki sikamma gimbala'na ri kokoa, nampa angngattili' bunga-bunga bakung.

KELONG MALA'BIRI' 4:16

Ambangungko, he anging battu waraka, battuko mae, he anging battu timboro'! Ammirikko ri kokongku, lappassammi a'rasa kabaukanna. Dasi-dasi nabattu tanringku mae ri kokonna, na nakanre rappo-rappo nyamanga.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!

PANGNGEBARANG 9:5

“Umba nanipinyamangngi kanreku siagang nukasia' anggoro' kupareka.

LAMPA-LAMPANA 11:29

Jari assamaturu'mi sikamma tau tappaka ri Isa, ero' appikatu sumbangang mae ri sikontu sari'battang niaka ammantang ri Yudea; massing appikatumi ke'nanga situru' pakkullena.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

LUKAS 12:4

“U'rangi ikau agangKu ngaseng! Teako mallakki ri tau akkullea ammuno tubu mingka takkulleai anggaukangi lompoanganga pole naanjo ammunoa tubu.

YESAYA 66:14

Nucini'na anjo kammaya, larannu mako, siagang a'jari gassing mako nukkamale kamma ruku' lolo. Nalanakasia'mo sikamma atangKu karannuangKu siagang lanakasia'mi kalarroangKu sikamma musu-musungKu.”

YESAYA 65:13

Sikontutojenna, tau anynyombaya ri Nakke langnganrei, mingka ikau naalleko cipuru'. Langnginungi ke'nanga, mingka ikau turereko. Larannui ke'nanga, mingka ikau nipakasirikko.

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

KELONG MALA'BIRI' 8:13

He, tau ammantanga ri kokoa, eroki aganga allangngereki sa'rannu; pilangngeriamma' anjo sa'rannu!

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

MATIUS 25:40

Lappiali Karaenga Nakana, ‘Asseng laloi anne: ri wattu nugaukanna sikammaya anjo mae ri kalase'renna sari'battangKu kaminang tunaya, ilalang kammana minjo nanugaukammo ri Nakke!’

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 23:18

Passawallang siagang gaji nagappaya talanabolikai, mingka lanapassareangi mae ri Batara. Sikamma tau anynyombaya mae ri Batara lanapakei anjo doeka untu' ammalli care-care siagang kanre naparalluanga ke'nanga.

YESAYA 5:1

Pilangngeri kelongku ri sesena koko anggoro'na sahabakku. Nia' koko anggoro'na sahabakku ri bulu' copponga buttana.

KELONG MALA'BIRI' 8:1

Ah, ebara' angkana assari'battang tangkakki', le'baka anynyusu ri ammakku, mattantu kubauko punna kugappako ri aganga, tena tau langhina'.

KELONG MALA'BIRI' 6:11

Battua' mae ri koko kenari, accini' bunga-bunga ri ka'bung; gassingka a'bungami poko' anggoroka, siagang poko' delimaya kamma todong.

PAMMUJI 16:3

Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

HAKING-HAKING 14:11

Nicini'na ri tu Filistin ammileimi ke'nanga tallumpulo turungka untu' angngagangi Simson.

HAKING-HAKING 14:20

Nampa napassareammo matoang bura'nena Simson anjo bainenna Simson mae ri paeranna Simson ri wattu pa'buntinganna.

PANGNGEBARANG 24:13

Ana', angnganreko bani, saba' anjo bajiki. Sangkamma anjo je'ne' bania battui ri ru'mung bania, te'nei untu' nikanre,

KELONG MALA'BIRI' 1:13

Tanringku rapangi muru' rasa mabau'na, ri wattu anra'bana ri barambangku.

KELONG MALA'BIRI' 4:8

Umba kinaung battu ri Libanon, buntingku, umba kinaung battu ri Libanon. Naungko battu ri coppo'na Amana, battu ri coppo'na Senir siagang Hermon, tampa' pammantanganna macanga siagang singaya.

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.