KELONG MALA'BIRI' 4:9 - KITTA' MATANGKASA'

⁹ Nuallemi nyawaku, andi', buntingku, nuallei nyawaku lanri paccini'nu, lanri paramata ga'ga ri rantenu.

KELONG MALA'BIRI' 4:9 Referans Kwoze

KELONG MALA'BIRI' 4:12

Tanringku rapangi koko nikalli' tembo' koko nikalli' tembo', timbuseng je'ne' nitongko'.

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.

KELONG MALA'BIRI' 7:10

Inakke napatanga' tanringku, eroki ri nakke.

PAPPICINI' 21:2

Kucini'mi anjo kota matangkasaka, iamintu kota Yerusalem berua, turunga battu ri Allata'ala ri suruga. Le'ba'mi nipasadia anjo kotaya sanrapang bunting baine nimodeia untu' bunting bura'nena.

YOHANES 3:29

Ia bunting bainea, bunting bura'nea pata. Anjo passari'battanganna bunting bura'nea poro ammentennaji anrurungangi siagang ampilangngeri kananna; na sanna' nangaina ampilangngeri sa'ranna anjo bunting bura'nea. Inakke kamma tomma' anjo. Sannang sikalimi atingku kamma-kamma anne.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

YESAYA 62:5

Rapang se're turungka ambuntingi se'rea tulolo, kammaminjo Mappa'jarinu laNanikkaiko. Rapang bunting bura'ne rannu anciniki bainenna, kammaminjo batenu laNingai ri Allata'ala.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

KELONG MALA'BIRI' 6:12

Sanna' nakkukku ri pangngainu, rapang nakkukku nai' ri kareta pa'bundukang siagang sikamma bija karaenga.

KELONG MALA'BIRI' 6:5

Allei rupannu battu ri nakke, lanri lingua' napakamma to'ro matannu. Uu'nu rapangi pa'gompoang bembe niaka naung battu ri bulu'-bulu' Gilead.

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.

KELONG MALA'BIRI' 3:11

Assulukko, he sikamma tulolonna Sion, ciniki Karaeng Salomo siagang songko' bulaeng nipataba ri amma'na ri allo pa'buntinganna, ri allo pa'rannu-rannuanna.

KELONG MALA'BIRI' 1:15

Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 1:10

Ga'gai pilisi'nu alla'na belo-beloa, kallong ga'ganu ammake rante paramata.

PAMMUJI 45:9

Pakeannu mabau' a'rasa muru', gaharu siagang cendana; nipakarannuko ri pakarena musika ri balla' lompo gadinga.

1 KORINTUS 9:5

Maka tena nakusiratang angngerang sitau baine tu ri ballakku lalang lampaku, sangkamma nagaukanga sari'battanNa ngaseng Batara Isa, siagang tunisuroNa Allata'ala maraenganga, kammaya Petrus?

MATIUS 12:50

Inai-nai anggaukangi ero'Na ManggeKu ri suruga, iami siratang a'jari sari'battangKu, siagang siratanga a'jari ammakKu.”

PA'JARIANG 20:12

Nampa pole antu bainea andikku memang. A'julu manggea' mingka maraengi amma'na, nakuassialle siagang.

PANGNGEBARANG 1:9

saba' anjo sikamma ajaranna ke'nanga natambai akkala' baji'nu, sanrapang belo-belo ri ulunnu siagang rante bulaeng ampakaga'gai tanja'nu.

YEHEZKIEL 16:11

Kubelo-beloiko siagang paramata, rante siagang ponto-ponto.

DANIEL 5:7

Ammarrammi ansuro kioki sikamma pacinika, sanro cara'deka siagang tau cara'deka accini' bintoeng. Ri wattunna battu ke'nanga, nakanamo karaenga, “Inai-nai akkulle ambacai anjo tulisanga siagang ampauanga' battuanna, lakusarei pakeang kakaraengang iamintu juba cura' lame butung siagang rante bulaeng pannanrai kalompoang mae ri ia. Pantaranganna anjo lakuangka' tongi a'jari tukoasa makatallu lalang ri kakaraengangku.”

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.