KELONG MALA'BIRI' 2:13 - KITTA' MATANGKASA'

¹³ Appakkaramulami a'rappo poko' araya, a'rasami bau'na bunga poko' anggoroka. Battu mako sayangku, mae mako tuga'gaku.

KELONG MALA'BIRI' 2:13 Referans Kwoze

KELONG MALA'BIRI' 2:10

Pilangngeri, a'bicarai tanringku mae ri nakke. Battu mako sayangku, mae mako tuga'gaku!

YESAYA 61:11

Rapang bine nipakioroka lattimboi a'jari lamung-lamung, kammaminjo Karaeng Allata'ala ampatimboi kasalamakkanga na sikontu bansaya lamammuji mae ri Ia.”

2 KORINTUS 5:20

Jari ikambemi anne tunisuroNa Almasi. A'bicarami ikambe sangkamma angkanaya KalenNa Allata'ala a'bicara mae ri kau ngaseng lalang ri kalenna ikambe. Lalang arenNa Almasi, nanapala' dudumo ikambe sollanna nujamakkimo limanNa Allata'ala assareako oloang nukkulle assibajiki siagang KalenNa.

LUKAS 19:42

Lalang angngarru'Na Nakana, “O kodong, baji'na mamo ka'de' nuassemmo anne alloa apa lakkullea angngerang passiamakkang! Mingka kamma-kamma anne takkulleai nucini'.

MATIUS 24:32

“Angngalle mako pappilajarang battu ri poko' araya. Punna lu'mu'mo siagang moncongbulomo tangke-tangkenna, kammayatompa appakkaramulami accu'la', akkullemi nuasseng angkanaya la'birimmi battu bambang alloa.

HAGAI 2:19

Manna pole natenamo gandung ammantang, siagang poko' anggoro', poko' ara, poko' delima siagang poko' zaitunga tenapa kabusuppa na'rappo, mingka appakkaramula anne wattua laKubarakkaki ngaseng mako!”

HOSEA 14:6

Mange ri Israel rapangA' bosi ambasai butta kalotoroka. La'bakkaki ke'nanga rapang bunga siagang rapang camara lantanga aka'na.

YESAYA 18:5

Ri tenanapa nawattu rappo-rappoang, ri wattu runannamo bunganna siagang ri tenanapa nati'no' anggoroka ri poko'na, laniancuru'mi Sudan ri musunna, kamma gampanna ladinga angkattiliki tangke-tangkenna anggoroka battu poko' anggoroka.

KELONG MALA'BIRI' 7:8

Erokka' angngambiki anjo poko' kormaya, nakualle rapponna. Susunnu paleng rapangi barrisi'na rappo anggoro', nappasa'nu sambauki rappo appele',

KELONG MALA'BIRI' 6:11

Battua' mae ri koko kenari, accini' bunga-bunga ri ka'bung; gassingka a'bungami poko' anggoroka, siagang poko' delimaya kamma todong.

KELONG MALA'BIRI' 1:15

Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 2:15

Jakkalaki anjo olo'-olo' rubaya, ruba-ruba ca'di ammanrakia koko anggoro', saba' sitabangi ta'bakkara' bunga anggoroka ri kokonna ikambe.