KELONG MALA'BIRI' 1:4 - KITTA' MATANGKASA'

⁴ Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

KELONG MALA'BIRI' 1:4 Referans Kwoze

YOHANES 6:44

Tenanniakka manna sitau akkulle battu mae ri Nakke, punna tanieranga ri ManggeKu battu mae ri Nakke iamintu Mangge assuroA' battu; na inai-nai battu mae ri Nakke, iami laKupabangung poleang ri Allo Kiamaka.

HOSEA 11:4

Lanri sikontu pangngamaseangKu naKupa'reppese' mae ri KalengKu. Kupakaringangi sikontu kasessanna, siagang ri lammoro'na pa'maikKu naKusarei kanre.

YOHANES 12:32

Mingka iNakke anne, punna le'ba'Ma' nipakatinggi ri linoa, laKubeso' ngasengi sikontu taua mae ri Nakke.”

YEREMIA 31:3

battu bella Kupappicinikangi KalengKu mae ri ke'nanga. He umma' Israel, battu rioloji naKukamaseangko, siagang situlusu'na tuli laKupicinikiangko angkanaya tuli mangngamaseangA' mae ri kau.

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

LUKAS 2:10

Mingka nakanamo anjo malaekaka, “Teako mallakki! Nasaba' kabara' baji' anne battu kupabattuangko; kabara' sannaka lanakarannuanna sikontu rupataua.

MATIUS 25:10

A'lampami anjo tulolo toloa mange ammalli minynya' tana ri ga'dea. Lalang a'lampana ke'nanga, battumi bunting bura'nea. Antama'mi anjo tulolo cara'deka anrurungangi anjo bunting bura'nea ri tampa' passua'-suarranga, nampa nitongko' pakke'buka!

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

YESAYA 63:7

Eroki kukabarrang pangngamaseanNa Batara lanri sikontu gau'Na kumammuji ri Ia. Allumpa-lumpai bateNa ambarakkaki umma'Na, lanri nia'na pangngamaseanNa na tena la'busu'na anjo pangngamaseanNa.

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YESAYA 45:25

Mingka turunganna Yakub lanipasalamaki, na lamammuji ke'nanga ri Nakke, Bataraya.

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

KELONG MALA'BIRI' 3:4

Silalonna kubokoi ke'nanga, kugappami tu ta'dongkoka ri atingku. Kuta'gala'mi, taeroka' allappassangi sa'genna kuerang mange ri balla'na ammakku, ri bili'na tungnganakkangku.

PAMMUJI 149:2

Rannuko, he Israel, lanri Mappa'jarinu; ma'reja-rejako, he pandudu'na Sion, lanri Karaennu!

EFESUS 2:6

Lanri asse're maki' siagang Isa Almasi, Napattallasa' poleang maki' ammotere' Allata'ala siagang Almasi; sollanta ammarenta todong siagang Ia lalang ri suruga.

ZEFANYA 3:14

He Israel, rannu mako nukkelong! He Yerusalem, pakarannumi sikontu atinnu!

PAMMUJI 119:60

Akkaro-karoma' siagang tenamo kuttayang untu' anggaukangi parentaTa.

PAMMUJI 119:32

Lamannurukia' ri parentaTa siagang sannang pa'mai', saba' iKatte ampa'jaria' la'bi pahang.

PAMMUJI 111:4

Anjo Batara mangngamaseangi siagang manynyayangi, Nagaukang gau'-gau' malompoa, sollanna ikatte tuli niu'rangi.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

PAMMUJI 48:9

Sangkamma apa le'baka nilangngere', kamma-kamma anne nicini'mi, ri kotaNa Batara Kaminang Makoasaya. Anjo kotaya, kotaNa Allata'alata, Najagai untu' satunggu-tungguna.

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

EFESUS 6:24

Poro Nabarakkaki ngasengko Allata'ala, ikau mangngamaseanga mae ri Batarata Isa Almasi, iamintu pangngamaseang tenaya nammari-mari rinrana. Sallangku, Paulus

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.