KELONG MALA'BIRI' 1:2 - KITTA' MATANGKASA'

² Bauma' siagang muncennu; la'bi nyamangi pangngainu na anggoro'!

KELONG MALA'BIRI' 1:2 Referans Kwoze

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.

KELONG MALA'BIRI' 1:4

Umba linta', o, karaengku, eranga' antama' ri kamara'nu. Lanri ikau nama'reja-reja ngaseng ikambe, mammuji ri pangngainu la'bia na anggoro'; siratang memangi tuloloa ero' ri kau!

PAMMUJI 36:7

KabajikanTa ammentengi nai' santinggi monconga, kaadelanTa sangkamma lantanna tamparang lompoa; Kiparakai rupataua siagang olo'-oloka, o, Batara.

LUKAS 15:20

Le'baki akkana kamma lalang ri nyawana, ammotere'mi anjo anaka mae ri manggena. Bella iji battu ri balla'na nicini'mi ri manggena. Larimi battu manggena ambuntuli nampa naraka' siagang nabau, napakamma sanna' rannuna nyawana.

MATIUS 26:26

Ri wattu angnganre bangngina Isa, angngallemi roti nampa appala' sukkuru'. Nampa Napue-pue anjo rotia. Le'baki anjo Natawa-tawaimi ana'-ana' gurunNa, Nakana, “Allei, kanremi, iaminne tubuKu.”

YESAYA 25:6

Ri Bulu' Sion, lappasadiai Batara Kaminang Makoasaya parjamuang untu' sikontu bansaya ri lino. Appatalai kanre kaminang nyamanga siagang anggoro' nipilea.

KELONG MALA'BIRI' 7:12

Umba ki'lampa bari'basa' mange ri kokoa, anciniki gassingka a'rappo ca'dimi poko' anggoroka, yareka ta'bakkara'mi bunganna; gassingka a'bungami poko' delimaya. Anjoreng lakusareko tanringku.

KELONG MALA'BIRI' 7:9

bawanu te'ne kammai anggoro'! Lappassammi assolong anjo anggoroka mae ri tanringku, assolong tena tappu'na; appabangunga tanring passingaiang, ba'lalo ri sikamma tau attinroa.

KELONG MALA'BIRI' 2:4

Naeranga' mae ri tangngana pa'gaukanga, paccini'na ri nakke sangnging pangngai.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

LAMPA-LAMPANA 21:7

Annarrusu' maki' assombala' battu ri Tirus sa'genna mange ri Ptolemais. A'lampa maki' angkunjungi sikamma tau tappaka ri Ptolemais, untu' ampabattui sallanta. Ammantang maki' anjoreng siallo siagang ke'nanga.

KELONG MALA'BIRI' 7:6

Tamaka ga'ganu, kaminang ningaia ri sikamma ningaia.

KELONG MALA'BIRI' 5:16

Tamaka baji'na pau-pauanna, yangasenna ri kalenna angngallei pa'mai'. Kammaminjo tanringku siagang sahabakku, he sikamma tulolonna Yerusalem!

1 PETRUS 5:14

Sikamaseang duduko, siagang sisallang-sallangiko salaku tu Karisteng massari'battanga. Poro Nabarakkaki ngasengko Batara, ikau sikontu tau a'jaria taunNa Almasi. Sallangku, Petrus

PA'JARIANG 45:15

Nampa lalang angngarru'na ija Yusuf, naraka' ngasemmi sikamma sari'battanna nampa nabau ke'nanga. Le'baki anjo accaritami siagang ke'nanga.

PA'JARIANG 29:11

Nampa nabau anjo Rahel, nangngarru' napakamma rannu;