KATO'BA 9:1 - KITTA' MATANGKASA'

¹ Yangasenna anjo kupikkiri' baji'-baji'mi. Naatoroki Allata'ala katallassanna tau bajika siagang cara'deka, ba'lalo punna mangngabirisi yareka mangngai anjo taua. Tena tau angngassengi apa lakajariang sallang ri allo ri boko.

KATO'BA 9:1 Referans Kwoze

PAOLE 33:3

Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

KATO'BA 8:14

Mingka yangasenna anjo sangnging bicara kosong. Cinikimi apa kajarianga ri lino: Nia' tau baji' nihukkung sangkamma tau doraka lompo, nia' tau ja'dala' nisare pahala kamma tau baji'. Jari, anjo sia-sia tonji.

AYUB 12:10

Ia angngatoroki tallasa'na sikontu niaka attallasa'; Ia Makoasa mae ri nyawana tunggala' rupataua.

2 TIMOTIUS 1:12

Lanri kammanami anjo nakukasia'mo anne kasessang kammaya jaina; mingka tuli jarreki tappakku, nasaba' bajiki kuassenna angkana inai kupatappa'. Tappa' sikalia' angkanaya akkullei Nakatutui anjo apa le'baka Napappirannuang mae ri nakke sa'genna narapi' Allo Kiamaka.

YESAYA 26:12

O, Batara, iKatte lampa'jari salewangangi ikambe; sikontu najamaya ikambe, iKattemi anggaukangi untu' ikambe.

PANGNGEBARANG 16:3

Pappirannuangi mae ri Batara sikontu rancananu, nanukkulle lampa'jari ri nugaukanna.

PAMMUJI 31:5

Kilappassanga' battu ri sikko' nitannanga untu' inakke, saba' iKattemi tampa' pa'la'langangku.

1 SAMUEL 2:9

Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

KATO'BA 10:14

Memang, tau toloa jai bicaranna. Allo labattua kacokkoangi mae ri katte ngaseng. Tena akkulle antappui apa lakajarianga punna tena maki'.

KATO'BA 8:16

Ri wattunna kuusahai anggappa kacara'dekang, na kuparhatikang sikontu apa kajarianga ri linoa anne, kuassemmi angkanaya manna kisusa tojeng attuju allo bangngi tammari-maria,

KATO'BA 7:25

Mingka na'naka' appilajara' siagang a'boya pangngassengang, sollanna kugappa kacara'dekanga siagang kugappa pialinna sikamma pakkuta'nang niaka. Kucobai ampahangi angkanaya anjo dosaya katoloang, siagang anjo kaja'dallanga katerassang pa'mai'.

KATO'BA 7:15

Tallasakku tena matu-matunna, mingka lalang tallasakku nia' kucini' kammaya anne: Nia' wattunna napanra' tau bajika, manna pole natau baji'. Nia' wattunna nala'bu umuru'na tau ja'dalaka, manna pole natuli nagaukang dosaya.

KATO'BA 1:17

Jari attojeng-tojemma' ero' angngassengi passisalanna nikanaya pangngassengang siagang kadongokang, nikanaya kacara'dekang siagang katoloang. Mingka a'nassami angkanaya inakke anne sanrapanga' poro tau angngondanga anging.

PAMMUJI 73:3

saba' angngiri mata' mae ri tau tampoa, ri wattunna kucini' kaupakkanna tau ja'dalaka.

PAMMUJI 10:14

Mingka iKatte Kiciniki; Kiparhatikangi kasusaanga siagang kasessanga, na Kituli sadia untu' annulung. Tu tenaya pakkullena napassareangi kalenna mae ri Katte, tuli Kitulungi tu kasi-asia.

AYUB 5:8

Ebara' inakke natuju antu apa nukasiaka, lakkioka' mae ri Allata'ala. Lama'rikonga' mae ri Ia, na kuerang mae ri Ia parkaraku.

PAMMUJI 119:109

Tuli kubotori nyawaku, mingka tena nakukaluppai hukkunTa.

KATO'BA 9:6

Pakkasia' mangngai, birisi', siagang napasuna, yangasenna lasikamateang ngasengi siagang ia. Tenamo nantama' ri sikamma apa kajarianga ri lino.

YEREMIA 43:6

Bura'ne, baine, ana'-ana', siagang ana'-ana' tulolonna karaenga ia nipassareanga ri Nebuzaradan mae ri Gedalya untu' nijagai, kammayatompa inakke siagang Barukh, nierang ngaseng maki' mange ri Mesir.

AYUB 27:12

Mingka, kalennu ngasemmi le'ba' anciniki. Jari, angngapa nussare pappakainga' tenaya anggaranna?”

KATO'BA 8:7

Tena manna sitau angngassengi angkana sare antekamma attayanga, na tena akkulle ampaui apa lakajarianga.