KATO'BA 8:1 - KITTA' MATANGKASA'

¹ Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.

KATO'BA 8:1 Referans Kwoze

LAMPA-LAMPANA 6:15

Nicinikimi Stefanus ri sikontu tau niaka hadere' lalang ri anjo sidang Pangadelang Agamaya. Na anjo wattua, attanja' kammami malaeka' nicini' rupanna Stefanus.

PAOLE 28:50

Sekkeki ke'nanga siagang manna inai talanakamaseangi, baji' tau toa kammayatompa tau rungka.

2 PETRUS 1:20

Mingka iaminne kaminang parallu sikalia nuu'rangi: Anjo apa-apa lakajarianga sallang, nisero kanaya ri biritta battua ri Allata'ala, takkulleai nibattuangngi situru' pikkirang kalenta.

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

LAMPA-LAMPANA 4:29

Kamma-kamma anne, o, Batara, Kicini'mi antekamma batena ke'nanga anggarattaki ikambe. Na Kisaremi pangngellai ikambe anne, ata-atanTa, ampa'la'bangi kabara' battua ri Katte lalang kabaraniang.

LAMPA-LAMPANA 4:13

Lannasa' ngasemmi anggota-anggotana anjo Pangadelanga anciniki kabaranianna Petrus siagang Yohanes. La'biangampa pole nanaassennamo ke'nanga angkanaya anjo Petrus siagang Yohanes tau biasaji bawang, tutenaya sikolana. Nasadarimi ke'nanga angkanaya anjo tau ruaya ana' gurunNa Isa.

PANGNGEBARANG 17:24

Natujua tau niaka pammahanna iamintu untu' anggappa kacara'dekang, mingka tau toloa tena nattantu pattujunna.

AYUB 33:23

Nakulle kapang kalase'renna sisa'bua malaeka'Na Allata'ala ampakaingakai rupataua ri tugasa'na, labattu antulungi.

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

PANGNGEBARANG 24:5

Tau cara'deka la'bi nikangalikangi na tau kassaka; pangngassenganga la'bi paralluangngangi na kagassinganga.

PANGNGEBARANG 1:6

Lanri kammana nakkullemo naselangngi apa battuang taccokkona anjo pappakaingaka siagang napahang kana-kananna tau cara'deka kammayatompa sikamma passala' napakkuta'nangnganga ke'nanga.

PA'JARIANG 40:8

Appialimi ke'nanga angkana, “Ri bangngia massing asso'nai ikambe. Nampa tena tau angngassengi apa battuanna.” Nakanamo Yusuf, “Allata'alaji bawang akkulle assarei taua pakkulle untu' ampakasingaraki battuanna so'naya. Cobasai bedeng carita anjo so'nanu.”

ROMA 13:5

Lanri kammanami anjo namusti mannurukiko mae ri pamarentaya – teai lanri teanuja bawang nihukkung, mingka lanri ero'na memang todong pa'mai'nu.

PANGNGEBARANG 21:29

Tau lambusuka tappaki ri kalenna; tau ja'dalaka akkapala' rupai.

KALAPPASSANG 34:35

accayami nacini' ke'nanga rupanna Musa. Jari nabombo'mi pole rupanna sa'genna narapi' wattunna a'bicara pole siagang Batara.

PANGNGEBARANG 12:8

Lanipuji taua situru' kacara'dekanna; nihinai taua situru' kadongokanna.

DANIEL 2:22

Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.