KATO'BA 7:12 - KITTA' MATANGKASA'

¹² sangkamma tongi doe' assareaki' pakkasia' amang. La'biangampa pangngassengang nikanaya kacara'dekang! Inai ampatangi, iami lasalama'.

KATO'BA 7:12 Referans Kwoze

PANGNGEBARANG 8:35

Inai ambuntulukka', anggappai katallassang, mangngellai Batara mae ri ia.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

PANGNGEBARANG 2:7

Mae ri tau lambusuka pa'mai'na siagang tenaya callanna, Natulungi siagang Najagai.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

YOHANES 12:50

NaKuasseng angkanaya Ia anjo Napassuroanga angngerangi katallassang mannannungang. Jari Kupabattumi situru' apa Napangngajarranga Manggea ri Nakke.”

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

HAKING-HAKING 9:15

Appialimi anjo rompo' akkatintinga, ‘Punna attojeng-tojeng ngasengko ero' ampa'jaria karaennu, maeko a'la'lang irawangangku. Punna tena nuero' lassuluki pepeka battu ri anne tangke-tangke akkatintingku na natunu ngaseng sa'genna la'busu' sikontu poko'-poko' arasa' niaka ri Libanon.’ ”

FILIPI 3:8

Teai sikammaya anjo bawang; mingka yangaseng-ngasenna kucini' a'jari karugiang ngaseng mami. Ia niaka ri nakke kamma-kamma anne lompoangangi anggaranna: iamintu kuassemmi Isa Almasi, Bataraku. Nasaba' Almasi, kubokoi ngasemmi anjo yangaseng-ngasenna. Yangasenna anjo kucini' loro mami, sollanna akkulle kugappa Almasi,

YESAYA 33:6

siagang assarei kaamangngang umma'Na. Pa'barang-barangngang ampasalamakai ke'nanga iamintu kacara'dekang siagang pangngassengang kammayatompa mappakalompo ri Batara.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

PANGNGEBARANG 9:11

Kacara'dekanga lanasareko la'bu umuru'.

PANGNGEBARANG 2:11

Lanikatutuiko ri pammahannu siagang kacara'dekannu,

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

AYUB 1:10

Ia, bone balla'na, siagang sikontu kakalumanynyanganna tuli Kijagai. Jama-jamanna Kibarakkaki siagang Kisarei jai olo'-olo' katuo angganaka untu' sikontu pa'rasanganga.

PAOLE 32:47

Anne pangngajaranga teai bicara kosong, passangalinna untu' katallassannu. Turuki anjo sikontua parenta, sollanna la'bu umuru'nu ri pa'rasangang tenayamo nasallo nanupantamakki ri ba'leanna Binanga Yordan.”

YESAYA 30:2

A'lampai ke'nanga mange ri Mesir nampa tena nappala' kaputusang battu ri Nakke. A'la'langi ke'nanga mae ri Mesir siagang anrannuangi pannulung mae ri karaeng Mesir.

PANGNGEBARANG 14:20

Tau kasi-asia tena ningai ba'lalo ri bela-belana; mingka tau kalumanynyanga jai sahaba'na.

KATO'BA 2:13

Memang kuassengi, “La'bi bajikangngangi kacara'dekanga na katoloanga, rapang singaraka la'bi bajikangngangi na sassanga.

KATO'BA 7:19

Kacara'dekanga napa'jari taua poreangngang na sampuloa tukoasa ri se'rea kota.

KATO'BA 9:16

Jari, annabami panggappaku angkanaya la'biangngangi kacara'dekanga na kagassinganga. Mingka manna nakamma, kacara'dekanna tu kasi-asia tena nijampangi. Tena niparhatikangi kana-kananna.

KATO'BA 9:18

A'matu-matuangngangi kacara'dekanga kala sanjataya, mingka silisere' tai balao anra'massi je'ne' sigumbang.

KATO'BA 10:19

Passua'-suarranga angngerangi kakkala', na anggoroka appakarannu. Mingka parallui nia' doe' untu' pa'bayara'na.