KATO'BA 6:2 - KITTA' MATANGKASA'

² Nia' wattunna naNasare Allata'ala kakalumanynyangngang, kalompoang siagang barang-barang se're tau, sa'genna tenamo apa-apa maraengang nakaeroki. Mingka tena Nikellai ri Allata'ala anjo taua angkasiaki baji'na anjo sikontu passarena. Kabalekanna, tau tenaya Naassengi langkabajikangi anjo kakalumanynyanganna. Jari, yangasenna anjo poro sia-siaji bawang, siagang appakasi'naji pa'mai'.

KATO'BA 6:2 Referans Kwoze

KATO'BA 5:19

Nabonei Allata'ala sa'genna rassi pa'mai'na taua anjo siagang karannuang; jari tena nalussa' annawa-nawai ri passala' sinampe'naja anne tallasaka.

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

PAMMUJI 73:7

Tattumpai kaja'dallanga battu lalang ri atinna ke'nanga; sibuki ke'nanga a'rancana kaja'dallang.

1 KARAENG-KARAENG 3:13

Ba'lalo manna tenaya nupalaki lakusare tongko: lalang sikontu tallasa'nu lakkalumanynyangko siagang lanapakala'birikko taua la'biangngang na karaeng maraengannaya.

PIRAUNG 5:2

Barang-barang warisi'na ikambe naallemi tau maraeng, balla'na ikambe tau maraemmi ampammantangngi.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,

HOSEA 7:9

Tanaassengai kalenna ke'nanga angkanaya lanri assibengkoro'nami ke'nanga siagang anjo bansa-bansa maraenga, natappela'mo kagassinganna ke'nanga. A'reppese'mi allo kala'busanna riwaya'na ke'nanga, mingka tanaassengai kalenna ke'nanga.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

KATO'BA 5:16

Lalang tallasatta, kammaki' tau angngosala' lalang ri sassang, susa-susaki', lussakki', birisikki', siagang pa'risi' pa'maikki'.

KATO'BA 4:8

Nia' tau attallasa' kale-kale, tena ana'na yareka sari'battanna. Mingka manna nakamma, tulusu' anjama terasa'na siagang tenale'bakai sukku' ri barang-baranna. Untu' inaika napammattikang tojeng songo' siagang natolla' sikontu kasannanganga? Anjo sia-sia todong, siagang se're cara atallasa' sessa.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

2 PATTOTTORANG 1:11

Appialimi Allata'ala ri Salomo angkana, “Anjo pappala'nu bajiki. Teai kakalumanynyangngang yareka pa'barang-barangngang yareka areng baji' yareka kamateanna musunnu yareka umuru' la'bu untu' kalennu nupala', passangalinna kacara'dekang baji' siagang pangngassengang untu' ammarenta ri ummakKu Kupappirannuanga mae ri kau.

1 PATTOTTORANG 29:28

Kalumanynyangi na mala'biri', siagang toa dudupi nampa mate. Ana' bura'nena iamintu Salomo ansambeangi a'jari karaeng.

1 PATTOTTORANG 29:25

Napa'jarimi Batara sikontu ra'yaka angngali' mae ri Salomo, siagang Napa'jarimi Salomo karaeng poreanganga na karaeng maraengannaya, sikamma le'baka ammarenta ri Israel.

PAOLE 28:43

Bansa maraeng niaka ammantang ri pa'rasangannu lapila' makoasai, nampa ikau pila' lakurangi koasanu.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

KATO'BA 5:13

Mingka tappela' ngasengi anjo baranga lanri nia'na bala, sa'genna tenamo apa-apa akkulle nasareangi ana'-ana'na a'jari warisi'.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

KATO'BA 5:18

Punna nia' sitau annarima kakalumanynyangngang siagang barang-barang battu ri Allata'ala, nampa nisare ising untu' ampinyamangngi anjo kakalumanynyangnganna, musti appala' sukkuruki siagang nakasia' baji' sikontu wassele' jama-jamanna. Anjo kammaya passareNa tonji bawang Allata'ala.