KATO'BA 5:1 - KITTA' MATANGKASA'

¹ Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.

KATO'BA 5:1 Referans Kwoze

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

YOSUA 5:15

Appialimi anjo panglima tantaraNa Batara angkana, “Sungkei sapatunu; antu butta nupammentengia iamintu butta matangkasa'.” Jari nasungkemi sapatuna Yosua.

KALAPPASSANG 3:5

Nakanamo Allata'ala, “Teako a'reppesi. Sungkei pa'lapa' bangkennu, lanri niakko ammenteng ri butta matangkasaka.

IBRANI 10:26

Nasaba' punna le'ba'mo nipabattu biritta tojenga battua ri Allata'ala mae ri katte, mingka tuli nipakkunjungianna nigaukang dosaya, tenamo koro'bang lakkulle antangkasi dosata.

1 KORINTUS 11:22

Angngapa nakkulle kamma? Sai massing nia' balla'nu? Akkulleko angnganre angnginung massing ri balla'nu. Yareka erokko anghinai jama'aNa Allata'ala siagang ampakasiriki tu kasi-asia? Jari apa musti kukana ri kau ngaseng? Musti kupujiko? Tena! Tena sikali nalakupujiko!

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

LAMPA-LAMPANA 17:11

Anjo tau anjorenga ri Berea baji'-bajikangangi pa'mai'na na tau niaka ri Tesalonika. Sannangi pa'mai'na ke'nanga ampilangngeri anjo kabara'Na Isa; allo-allona napilajari ke'nanga apa niaka tattulisi' lalang ri Kittaka, lanri ero'na ke'nanga angngassengi angkanaya maka kontutojengi anjo napangngajarranga Paulus.

LAMPA-LAMPANA 10:33

Lanri kammana minjo nakusuromo linta' taua mae angkiokki'. Nasanna' baji'na pa'maitta, kaerokki' battu mae anrinni. Kamma-kamma anne nia' ngasemmi ikambe anrinni, ri dallekanNa Allata'ala, ero' ampilangngeri sikamma apa Nasuro pabattua Allata'ala mae ri kambe.”

KAIMANGNGANG 10:3

Jari nakanamo Musa mae ri Harun, “Iaminjo natabaya kananNa Batara ri wattunna angkana, ‘Sikontu allayania mae ri Nakke musti napakala'biriki katangkasangKu. Kupa'nyatai kalompoangKu mae ri sikontu bansaKu.’ ” Mingka tena nakkana-kana Harun.

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

KALAPPASSANG 30:18

“Apparekko se're ba' battu ri tambaga na dapara'na tambaga todong. Boliki anjo baka ri alla'na Kemaya siagang tampa' pakkoro'bangnganga, nampa nubonei je'ne'.

AYUB 22:12

Sai langi' tinggia pammantanganNa Allata'ala, na accini' naung, ri sikamma bintoeng tinggi dudua?

PANGNGEBARANG 10:19

Pila' jai bicara, pila' a'reppeseki dosaya; tau akkullea ampakalewai lilana, iami tau cara'de'.