KATO'BA 4:10 - KITTA' MATANGKASA'

¹⁰ Punna nia' tu'guru' sitau maraenganga akkullei natulung. Mingka punna nia' sitau tu'guru', nampa kale-kalennaja, cilakami, lanri tena tau akkulle antulungi.

KATO'BA 4:10 Referans Kwoze

1 TESALONIKA 5:11

Lanri kammana, paralluko massing sipakamaju siagang massing sipakajarre' ri tappa'nu, sangkamma nugaukangamo ri kamma-kammaya anne.

1 TESALONIKA 4:18

Lanri kammana anjo, paralluko massing sipakajarre' ri tappa'nu lalang ri anne kana-kana kammaya.

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

1 SAMUEL 23:16

Mangemi Yonatan angngagangi sibuntulu' anjoreng untu' ampakajarreki tappa'na angkanaya lanikatutui ri Allata'ala.

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

2 SAMUEL 14:6

Nia' ana' bura'nena atanta rua. Ri se'reang allo a'besereki ke'nanga ri paranga. Lanri tenana tau ansa'lakki ke'nanga, matemi kalase'renna nibuno ri sari'battanna.

2 SAMUEL 11:27

Nampa le'ba'na kasusaanna, nasuro allemi Daud anjo bainea nanierang mange ri balla' kakaraenganga siagang nabaineammi. Siapa are bulang ribokoanganna allassukammi sitau ana' bura'ne. Mingka tena nasannang pa'mai'Na Batara mae ri anjo panggaukanna Daud.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

KATO'BA 4:9

Upakkangngangi nikanaya sipa'rua na ia akkale-kalea. Punna anjamai ke'nanga, la'bi bajikangngangi wassele'na.

KATO'BA 4:11

Ri wattu dinginna bangngia, ruaya tau siampi' attinro akkullei sikammuki, mingka antekamma batena lakkulle kammu' punna kale-kalenna?