KATO'BA 3:8 - KITTA' MATANGKASA'

⁸ Allata'ala ampattantui wattu untu' mangngamaseang siagang wattu untu' mangngabirisi, wattu untu' a'bundu' siagang wattu untu' assiama'.

KATO'BA 3:8 Referans Kwoze

EFESUS 5:25

Ikau tubura'-bura'nea, karimangngi bainennu, sangkamma Almasi Nakarimangngi jama'aka. Siagang Nakoro'bangkangi KalenNa untu' anjo jama'aka.

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

1 KARAENG-KARAENG 5:4

Mingka kamma-kamma anne Nasarema' Karaeng Allata'alaku kaamangngang ri sikontu daera kakoasangku. Tena musungku, siagang tena bala antujui pa'rasangangku.

PAPPICINI' 2:2

Kuassengi apa nugaukanga ngaseng: anjama terasakko, siagang teai sipato' sa'bara'nu. Kuassengi angkanaya taerokako assarei pa'mai' tau ja'dalaka. Na anjo sikamma tau nakanaya kalenna tunisuroNa Allata'ala, nasikontutojenna teai, le'ba'mi nuparessa baji'; na nuasseng ngasemmo angkanaya anjo ke'nanga sangnging tau paballe-balle.

PAMMUJI 139:21

O, Batara, kukabirisi tau birisika mae ri Katte, lussaki pa'maikku mae ri tau angngewaya mae ri Katte!

2 PATTOTTORANG 19:2

nia'mo sitau na'bi niareng Yehu ana'na Hanani battu mange andallekang ri karaenga. Nakanamo anjo na'bia ri ia, “Maka siratangki' ambantui tau ja'dalaka siagang agang mae ri tau birisika ri Batara? Larroi Batara lanri anjo panggaukang kammata.

TITUS 2:4

sollanna lalang ri kammanami anjo nakkullemo naajara' bai'-baine loloa untu' angkamaseangi bura'nenna siagang ana'-ana'na,

EFESUS 3:19

tenaya nakkulle napahang baji' akkala'na rupataua. Poro nupahang lalo anjo pangngamaseanNa Almasi, sa'genna Napa'jari sukku' Allata'ala batangkalennu.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.

PAMMUJI 101:3

tena nalakubalang parekang kaja'dallanga. Kukabirisi panggaukanna tau ta'gilinga, siagang tena kuero' siurusu' siagang ke'nanga.

PANGNGEBARANG 13:5

Tau lambusuka nakabirisi nikanaya balle-balle, gau'-gau'na tau ja'dalaka appakasiriki na nicalla.

2 KARAENG-KARAENG 9:22

Akkuta'nammi Yoram ri Yehu angkana, “Apaka anne kabattuannu salaku agang?” Appialimi Yehu angkana, “Antekamma olona salaku agang punna anrinni nia' ija sanro, siagang nia' ija tau anynyomba ri barhala appakkaramulaya nagaukang anjo amma'nu?”

PAMMUJI 105:25

Napinrai pa'mai'na tu Mesir sa'genna birisi' ri umma'Na na nagau' jekkommo ke'nanga sikamma ata-atanNa.