KATO'BA 3:7 - KITTA' MATANGKASA'

⁷ wattu untu' angngekke' siagang wattu untu' anjai' wattu untu' a'mereki siagang wattu untu' a'bicara.

KATO'BA 3:7 Referans Kwoze

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

AMOS 5:13

Lanri anjo panggaukannu, nabajikangngammo nasa'ring tucara'deka a'mereki mamo ri anjo jammang kaja'dallanga.

LAMPA-LAMPANA 4:20

Nasaba' takkulleai ammari ikambe ambicarai anjo apa le'baka nacini' siagang nalangngere' ikambe.”

PIRAUNG 3:28

Ri wattunta Nisare kaballassang ri Batara paralluki' sannang ammempo kale-kalenta.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

ESTER 7:4

Nasaba' le'ba'mi anne atanta siagang bansana atanta nibalukang untu' nibuno. Ebara' angkana nibalukangi anne ikambe poro untu' nipa'jari ata, tenaja nalakkana-kana atanta siagang tenaja nalanasusai karaengku. Mingka kamma-kamma anne laniancuru'mi siagang laniputtami anne ikambe!”

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

YEREMIA 8:14

Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.

YESAYA 36:21

Nalangngere'na anjo, tenamo nappiali pandudu'na Yerusalem, saba' le'ba'mi niparentakang ke'nanga ri Karaeng Hizkia sollanna tena nakkana-kana ke'nanga.

PAMMUJI 39:2

Nakana nawa-nawangku, “Eroki kujagai kalengku sollanna tena kudoraka lanri lilaku. Taeroka' a'bicara lalang a'reppese'na ija tau ja'dalaka.”

2 KARAENG-KARAENG 6:30

Nalangngere'na karaenga anjo passalaka, nakekke'mi pakeanna napakamma si'na nyawana. Sikamma tau niaka ammenteng ri ampi'na anjo temboka akkullei nacini' angkanaya anjo baju lalanna kaeng karung.

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

2 SAMUEL 3:31

Nampa naparentakang Daud mae ri Yoab siagang ana' buana sollanna nakekke' pakeanna ke'nanga, siagang ammake kaeng tanra kasusaang kamateang kammayatompa nanakarruki Abner. Siagang ri wattunna niantara' mayaka, kalenna Karaeng Daud a'jappa ri bokona patti tumatea.

2 SAMUEL 1:11

Nalangngere'na Daud anjo kammaya, nakekke'mi pakeanna lanri si'nana. Na sikontu ana'-ana'na appakamma ngaseng tommi.

PA'JARIANG 44:34

Antekamma lakkulle anne atanta ammotere' mae ri manggena ikambe punna tena nammotere' anjo anaka? Tanakulleai natahang atanta anciniki sallang musiba antabayai anjo manggena ikambe.”

PA'JARIANG 44:18

Majumi Yehuda a'reppese' ri Yusuf nampa nakana, “Pammopporanga', karaeng. Kisarema' sike'de' kasampatang a'bicara siagang ikatte. Teaki' larroi ri atanta karaeng. Ikatte sangkammaki' kalenna karaeng Mesir.

PA'JARIANG 37:34

Nakekke'mi pakeanna Yakub lanri si'nana nyawana, nampa ammake pakeang kasusaang. Siapa are allonna nakarruki anjo anaka.

PA'JARIANG 37:29

Ri wattunna ammotere' Ruben mange ri anjo bungunga nampa tanabuntulamo Yusuf anjoreng, nakekke'mi bajunna lanri si'nana nyawana.

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

AYUB 2:13

Tuju allo tuju bangngi ke'nanga ammempo ri buttaya ri sa'rinna Ayub, tamakkana-kanaya, lanri antekamma battala'na pa'risi'na Ayub.

KATO'BA 3:6

Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,

1 SAMUEL 10:16

Appialimi Saul angkana, “Napauanga' angkanaya nigappami anjo olo'-oloka.” Mingka tena nacaritai Saul mae ri purinanna angkanaya le'ba'mi niminynyaki na niangka' a'jari karaeng ri Samuel.

2 KARAENG-KARAENG 18:36

Nalangngere'na anjo kana kammaya, tena nappiali pandudu'na Yerusalem, lanri le'ba'mi niparentakang ri Karaeng Hizkia sollanna a'mereki mamo ke'nanga.