KATO'BA 3:6 - KITTA' MATANGKASA'

⁶ Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,

KATO'BA 3:6 Referans Kwoze

LAMPA-LAMPANA 27:19

Allo ammukona pole napela' tommi ana'-ana' kappalaka pakkakasa'-pakkakasa'na kappalaka naung ri tamparanga.

LAMPA-LAMPANA 27:38

Le'baki angnganre ngaseng ke'nanga, napela'mi gandung niaka naerang anjo kappalaka naung ri tamparanga, sollanna a'jari ringang anjo kappalaka.

MATIUS 19:29

Na inai-nai ambokoi balla'na, yareka sari'battanna bura'nea, yareka sari'battanna bainea, yareka anrong-manggena, yareka ana'na ngaseng, yareka kokonna, passabakkang iNakke, iami sallang langgappai ammotere' sikamma apa nabokoia a'lappi sibilangngang jaina. Siagang iami langgappai katallassang sitojennaya siagang mannannunganga.

KATO'BA 11:1

Pantamaki doe' modala'nu ri usaha pantarang pa'rasangang. Mattantu anggappako passawallang ri allo ri boko.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

2 KARAENG-KARAENG 5:26

Mingka nakanamo Elisa, “Niaki anjoreng nyawaku ri wattunna naung Naaman battu ri karetana untu' ambuntuliko. Anne teai wattunna untu' anggappa doe' siagang ammalli koko zaitun, koko anggoro', gimbala', sapi siagang ata-ata.

2 KARAENG-KARAENG 8:9

Angngallemi Hazael 40 unta nampa natekeki a'rupa-rupa wassele'na kota Damsyik nampa a'lampa mange ri Elisa. Ri wattunna battu mange ri tampa'na Elisa, nakanamo Hazael, “Atanta Karaeng Benhadad, assuroa' battu untu' ampakuta'nangngangi apaka akkullei ammolle ri garrinna yareka tena.”

2 KARAENG-KARAENG 7:15

A'lampami ke'nanga sa'genna mange ri Binanga Yordan. Ri tangngana aganga jaimi nacini' ke'nanga pakeang siagang pakkakasa' tassiara' mange-mange. Yangasenna anjo apa-apaya nipasambila kammajinjo bawang ri tu Siria ri wattunna lari ke'nanga. Ammotere'mi anjo sikamma tunisuroa nampa a'laporo' mae ri karaenga.

KATO'BA 3:5

wattu untu' assikatinroang siagang wattu niparrangngi kalea, wattu untu' anraka' siagang wattu nitahang kalenta.

KATO'BA 3:7

wattu untu' angngekke' siagang wattu untu' anjai' wattu untu' a'mereki siagang wattu untu' a'bicara.