KATO'BA 3:4 - KITTA' MATANGKASA'

⁴ Allata'ala ampattantui wattu untu' angngarru' siagang wattu untu' ammakkala', wattu untu' appiraung siagang wattu untu' a'joge',

KATO'BA 3:4 Referans Kwoze

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

YAKOBUS 4:9

Paralluko angngarru' siagang appiraung lanri nusassala' tojenna kalennu; parallui amminra kakkala'nu a'jari karru', siagang amminra karannuannu a'jari si'na!

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

KALAPPASSANG 15:20

Nampa anjo Miryam, sitau na'bi baine, daenna Harun, angngallemi rabana, kammayatompa sikontu bainea annunrung ngasemmi rabana nampa a'joge'.

2 KORINTUS 7:10

Nasaba' anjo si'na kammaya akkullei appa'nia' katobakkang siagang kasalamakkang; kammayatompa tena nala'jari sesse' lalang taua lanri passabakkang anne passalaka. Mingka punna si'na passabakkang anne linoa, lanaerangi taua mange ri kamateanga.

LUKAS 1:58

Nalangngere' ngasemmi sambori'na siagang bija-bijanna antekamma baji'na Batara mae ri Elisabet. Na rannu ngaseng tommo nyawana ke'nanga sangkamma Elisabet.

MATIUS 11:17

Nia' angkana, ‘Kelong a'rannu-rannu nikelongang, mingka taerokako akkarena! Kelong tu kamateang nikelongang, mingka taerokako angngarru'!’

MATIUS 9:15

Appialimi Isa angkana, “Maka biasai toanaya si'na atinna punna nia' ija bunting bura'nea ri tangnga-tangngana ke'nanga? Antekamma panggappanu? Tantu tena! Mingka lanarapiki sallang wattunna lanialle anjo bunting bura'nea battu ri tangnga-tangngana ke'nanga. Iaminjo wattua nalasi'namo atinna ke'nanga.

2 SAMUEL 6:16

Ri wattunna sitabang nierang anjo Patti Parjanjianga antama' ri kotaya, attoaki Mikhal ana' bainena Saul battu ri jandelaya na nacini'mo Karaeng Daud a'lumpa'-lumpa' siagang a'joge'-joge' untu' ampakala'biriki Batara; na lanremo nasa'ring Mikhal anciniki Daud appakamma.

PA'JARIANG 21:6

Nakanamo Sara, “Napa'jarima' ammakkala', lanri rannuku. Sikontu tau allangngerekai anne passalaka larannu ngasengi ammakkala' siagang inakke.”

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

KATO'BA 3:5

wattu untu' assikatinroang siagang wattu niparrangngi kalea, wattu untu' anraka' siagang wattu nitahang kalenta.

KATO'BA 7:14

Jari, rannu mako punna natabako upa'. Mingka punna natujuko bala, teako kaluppai angkanaya Allata'ala assareko rua-rua. Taniassengai apa lakajarianga ribokoangannaya.

YESAYA 40:1

Kammai anne kananNa Allata'alanu, “Saleori, saleorimi bansaKu!

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”