KATO'BA 3:16 - KITTA' MATANGKASA'

¹⁶ Nia' pole kucini' ri anne linoa: kemae mustina nia' kaadelang siagang kabajikang, anjoremmi nia' kaja'dallang.

KATO'BA 3:16 Referans Kwoze

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

KATO'BA 5:8

Ba'lalo manna karaenga tanjeng tongi mae ri wassele' kattoa.

LAMPA-LAMPANA 23:3

Jari nakanamo Paulus ri anjo Imang Lompoa, “Mattantu laNatempaka'rang todongko Allata'ala, ikau tu munape' kammaya, assara-saraia sangkamma tu matangkasa'! Ammempoko antureng angngadelia' situru' parentaNa Allata'ala napabattua Musa, padahala' ikaumi kalennu andakkai anjo parentaya lanri nusurona taua antempaka'ranga'!”

YAKOBUS 2:6

Mingka ikau nuhinai tu kasi-asia; na sikontutojenna iaji anjo tu kalumanynyanga anjallakkangko siagang anre'resangko mange ri pangadelanga!

MATIUS 26:59

Sikamma imang-imang kapalaya kammayatompa sikamma haking Pangadelang Agamaya, massing a'boyami sa'bi a'balle-balle, sollanna akkulle nihukkung mate Isa.

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

YESAYA 59:14

Nipakabellami hukkung adeleka, siagang nipalilimi kaadelanga. Nibawang-bawangngammi kalambusanga ri tampa'-tampa' tujaia, siagang nipasa'rimi pa'mai' maci'nonga.

KATO'BA 8:9

Yangasenna anne kuciniki ri wattunna kuparhatikang sikontu apa kajarianga ri linoa. Nia' wattunna nanapake kakoasanna taua untu' ancilakai paranna tau.

KATO'BA 5:7

Teako lannassi punna nucini' tukoasaya anjallakkangi tu kasi-asia, narampasa' ha'na ke'nanga siagang tanasarea ke'nanga kaadelang. Tunggala' se'rea pagawe nikatutui ri atasanna, nampa rua-ruai nikatutui ri atasang la'bi tinggianganga pangka'na.